О проекте Статистика Проверка

Статьи

4136

Все статьи

4136

Позитивные статьи

0

Негативные статьи

0

Нейтральные статьи
11 сентября 2020 г. 1:14

«Мекеним Кыргызстан» атаандаштарын ыплас технологиялардан баш тартууга чакырат

«Мекеним Кыргызстан» партиясы саясий жарыштагы атаандаштарын ушак айыңдарды таратууну токтотууга жана ыплас технологиялардан баш тартууга чакырат. Саясий биримдик ачык жана таза шайлоо өткөрүүнү колдойт жана элди кызыктырган суроолорго жооп берүүгө даяр. Кыргызстанда шайлоо компаниясы кызуу жүрүп жатат. Айрым саясий күчтөр жарышта атаандаштарын буттан чалуу үчүн ар кандай ыплас технологияларды колдонуудан да баш тартпай тургандыгы байкалууда. Мындай кара пиардын курмандыгы көпчүлүк учурда «Мекеним Кыргызстан» партиясы болууда. Социалдык тармактарда «аталган партиянын атынан Калил Сариев аттуу жаран шайлоочуларга акча таратып жатат» деген маалымат тарады. Териштирүүнүн жыйынтыгында Калил Сариев 70 жашка таяп калган Өзгөн районунун тургуну экендиги аныкталды. Аталган билдирүүнү интернетке «Реформа» партиясынан Жогорку Кеңеш депутаттыгына талапкер Бурул Усманалиева тараткандыгы белгилүү болгон. Өз кезегинде «Мекеним Кыргызстан» партиясынын өкүлдөрү шайлоого тиешелүү болгон бардык суроолорго ачык айкын жооп кайтарып, мыйзам чегинде гана үгүт иштерин жүргүзүп жаткандыгын билдиришти. «Мекеним Кыргызстан» саясий партиясы Европа коопсуздук жана кызматташтык уюмунун байкоочуларына шайлоо компаниясынын жүрүшү боюнча расмий маалымат берди. Эл аралык уюмдун өкүлдөрү «Мекеним Кыргызстан» партиясына карата мыйзамсыз технологиялар колдонулуп жаткандыгы тууралуу кабардар болушту. «Мекеним Кыргызстан» партиясынын программасы — өлкөнүн өнүгүүсү үчүн коомдун негизги катмарларын камтыган реалдуу долбоор. Долбоордун ишке ашуусу үчүн эң башкы максат шайлоочулар менен талапкерлердин ортосундагы ишеним көпүрөсүн куруу болуп саналат. Парламенттик шайлоо ачык жана таза өтүүсүн колдойбуз. Мекеним Кыргызстан — ар бир кыргызстандыктын партиясы! Буюртма каржы маселелери боюнча ыйгарым укуктуу өкүл Джайчиева Гулбарчин Эр Турсуновна тарабынан «Мекеним Кыргызстан» партиясынын атайын шайлоо фондунун эсебинен каржыланды. Юридикалык дареги: Кыргыз Республикасы, Бишкек шаары. Турусбеков көчөсү, 109/1. 510-кабинет.

Подробнее
11 сентября 2020 г. 1:14

«Мекеним Кыргызстан» партиясынын программасында маданият тармагын көтөрүү сунушу

«Мекеним Кыргызстан» саясий партиясынын шайлоо алдындагы программасында маданият тармагы унутта калган жок. «Мекеним Кыргызстан» партиясы — Маданият жана искусство тармагында айлык акыларды жогорулатууну камсыздоо зарылдыгына көңүл бурду. Маданият — жан дүйнө азыгы Маданият менен искусство бюджеттик саясатта приоритеттүү багыттардын катарында турууга тийиш. Аларды эң акырында, калган-каткан акча менен финансылоону токтотуу керек. Маданият жана искусство, алардын деңгээли адам капиталынын сапатына түздөн-түз таасир этет жана экономикалык-социалдык өнүгүү үчүн таасирдүү ресурс болуп саналат. Биздин сунуш: — Маданият жана искусство тармагында айлык акыларды жогорулатууну камсыздоо; — Иштебей жабылып калган маданият үйлөрү менен китепканалардын имараттарын жаңы маданий жайларга айлантуу боюнча программа иштеп чыгуу; — Меценаттыкты коомдогу жаңы салт катары жайылтууну мамлекеттик деңгээлде колго алуу; — Архив, китепкана жана музейдеги материалдардын фото, аудио, видеофонддорунан бирдиктүү электрондук фонд түзүп, бирдиктүү маалымат системасы аркылуу маданий мурастардын абалын жана пайдаланылышын көзөмөлдөө. Каалоочулардын аларды онлайн форматта көрүүсүн камсыздоо; — Кыргыздын айнаамасын жана Орхон-Енисей жазууларын — Түштүк Сибирь менен Борбор Азиянын байыркы түрк рун жазуулары эстелигин ЮНЕСКОнун маданий мурастар тизмесине киргизүү үчүн мамлекеттик деңгээлде иш алып баруу. Буюртма каржы маселелери боюнча ыйгарым укуктуу өкүл Джайчиева Гулбарчин Эр Турсуновна тарабынан «Мекеним Кыргызстан» партиясынын атайын шайлоо фондунун эсебинен каржыланды. Юридикалык дареги: Кыргыз Республикасы, Бишкек шаары. Турусбеков көчөсү, 109/1. 510-кабинет.

Подробнее
11 сентября 2020 г. 1:14

Партиялардын добуш берүү бюллютениндеги орду бекитилди

Борбордук шайлоо комиссиясы чүчүкулак менен партиялардын добуш берүү бюллютениндеги орду бекитти. № 1 — «Биримдик»; № 2 — «Мекенчил»; № 3 — «Ыйман Нуру»; № 4 — «Мекеним Кыргызстан»; № 5 — «Реформа»; № 6 — «Ата Мекен»; № 7 — «Замандаш»; № 8 — «Бүтүн Кыргызстан»; № 9 — «Социал-демократы»; № 10 — «Мекен Ынтымагы»; № 11 — Афган согушунун ардагерлери; № 12 — «Ордо»; № 13 — «Бир Бол»; № 14 — «Республика»; № 15 — «Кыргызстан»; № 16 — «Чон Казат». Андан сырткары, бюллютенде «Баарына каршы» пункту да болот. Шайлоого 16 партия ат салышууда.

Подробнее
11 сентября 2020 г. 1:14

«Бүтүн Кыргызстан» партиясы шайлоого катышат

«Бүтүн Кыргызстан» партиясы шайлоого катышат. Бул тууралуу чечим кечээ сотто кабыл алынды. Административдик сот Боршайкомдун партиянын каттоодон баш тартуу чечимин мыйзамсыз деп тапты. БШКнын төрагасы Нуржан Шайлдабекова мекеме Жогорку сот кайрылбастыгын билдирди. «Шайлоо өнөктөгү башталып, үгүт жүрүп жаткандыктан биз Жогорку сотко кайрылбайбыз», — деди ал. БШК «Бүтүн Кыргызстан» партиясын каттап, үгүт иштерин жүргүзүүгө жол ачты. Белгилей кетсек, парламенттин мурдакы депутаты Турсунбай Бакир уулу «Бүтүн Кыргызстанга» арызданып БШКга кайрылган. Ал алгач тизмеде алдынкы орунга белгиленип, кийин артка жылып калган. БШК кечээ тизмедеги калпыстыктар үчүн партияны каттоого алган эмес.

Подробнее
10 сентября 2020 г. 15:45

Жаштар – Кыргызстандын эртеңи эмес, бүгүнкүсү!

Жаштар – Кыргызстандын эртеңи эмес, бүгүнкүсү! “Жаштар - өлкөнүн келечеги” деп көп жылдан бери айтып келдик. Бирок 2020-жыл жана пандемия кризиси жаштар өлкөнүн бүгүнү экенини көрсөттү! ⠀ Бүгүн жаштар менен жолугушуп, "Жаңы Дем" программабызды тааныштырдык. 28 жылдан бери эч ким жоопкерчиликти өз мойнуна алууну каалаган жок. Канчалык кыйын болбосун, ошол жүктү биздин жаш лидерлер алып кетүүгө даяр! ⠀ *** ⠀ Молодежь — настоящее Кыргызстана! ⠀ Много лет нам твердили, что молодые люди — это будущее страны, но 2020 год, особенно кризис во время карантина, нам наглядно показал, что молодежь — это есть самое настоящее страны. ⠀ Встретились со сторонниками и молодыми лидерами, которым презентовали нашу программу «Жаңы Дем». Программу необходимо реализовать здесь и сейчас, и основная ответственность ляжет на новое поколение! Мы знаем, что молодые лидеры, которые есть в стране уже сегодня готовы брать на себя задачи и ответственность, которую избегали многие опытные специалисты последние 28 лет.

Подробнее
11 сентября 2020 г. 1:15

«Биримдик» биринчи. Шайлоо бюллетенинде партиялардын катар номери аныкталды

Борбордук шайлоо комиссиясы шайлоо бюллетенинде кайсы партия канчанчы орунда болорун аныктоо үчүн чучукулак өткөрдү. Боршайкомдун маалымат кызматы чучукулак кармоо ачык форматта өткөнүн билдирди. Ошентип шайлоо бюллетенинде биринчи орунда бийликтин партиясы делген «Биримдик» болмой болду. Ал эми Матраимовдордун кланы менен байланышы бар делген «Мекеним Кыргызстан» бюллетенде 4-орунда жайгашты. Шайлоо бюллетенинде орун алган бардык партиялардын тизмеси төмөндөгүдөй: 1. «Биримдик»; 2. «Мекенчил»; 3. «Ыйман Нуру»; 4. «Мекеним Кыргызстан»; 5. «Реформа»; 6. «Ата Мекен», 7. «Замандаш», 8. «Бүтүн Кыргызстан», 9. «Социал-Демократ», 10. «Мекен Ынтымагы», 11. Афганистан согушунун ардагерлери жана ушул сыяктуу кагылышууларга катышкандардын саясий партиясы; 12. «Ордо»; 13. «Бир Бол»; 14. «Республика»; 15. «Кыргызстан»; 16. «Чоң Казат». Ошондой эле, шайлоо бюллетенинин тексти менен формасы дагы аныкталды. Жалпысынан 4-октябрга белгиленген парламенттик шайлоого 16 партия ат салышууда. Алардын ичинен эки партия — «Кыргызстан» менен «Бүтүн Кыргызстан» Боршайком менен соттошуп, шайлоого катышуу укуктарын сот аркылуу калыбына келтирди . «Кыргызстан» партиясы керектүү документтерди партиянын өкүлү тапшырган эмес жана белгиленген убакыттан кеч калган деп айыпталса, «Бүтүн Кыргызстан» партиясына БШКга талапкерлердин өзгөртүлгөн тизмесин тапшырган деген кине коюлган.

Подробнее
16 сентября 2020 г. 16:16

"Кыргызстан" партиясы:

"Кыргызстан" партиясы: "Биз ар бир жаран өз кесиби боюнча иштөөсүн көздөйбүз!"

Подробнее
11 сентября 2020 г. 1:20

БШКнын утулушунун сыры эмнеде?

Быйылкы шайлоого аттангандардын арасынан эки партия Борбордук шайлоо комиссиясын (БШК) сот аркылуу утуп алып, жарышка расмий катталды. Борбордук шайлоо комиссиясы (БШК) «Бүтүн Кыргызстан» партиясынын иши боюнча Бишкектин административдик соту чыгарган чечимге каршы Жогорку сотко арызданбайт. Бул тууралуу Боршайкомдун төрайымы Нуржан Шайлдабекова партиянын айланасындагы маселеге комментарий берип жатып айтты: «Шайлоо процесси кызуу фазасында экенин жана бардык саясий партияларга бирдей мүмкүнчүлүк түзүп берүүнүн зарылчылыгын эске алып, Борбордук шайлоо комиссиясынын мүчөлөрүнүн көбү Жогорку сотко арыздануудан баш тартып, «Бүтүн Кыргызстан» партиясын каттоону чечти». 9-сентябрда Бишкектин административдик соту «Бүтүн Кыргызстан» партиясынын БШКга каршы арызын канааттандырган. БШК ушул эле күнү партияны шайлоого каттаган. Ошентип, БШКны соттон эки партия утуп алды. Буга чейин шайлоо мекемеси «Кыргызстан» партиясы документ тапшырууда мыйзам бузган деген негиз менен анын документтерин артка кайтарган. Соттошуу Жогорку сотко чейин жетип, партиянын пайдасына чечим чыккан. Шайлоо алдында БШК менен эки партиянын чыры саясий айдыңды кызытып, серепчилердин ар түркүн пикирлерин пайда кылды. Айрымдар муну бийликтин шайлоону калыс өткөрүү далалаты катары бааласа, кээ бири чоң саясий окуянын алдындагы алешемдиктер шайлоонун жыйынтыгына таасир эте турганын айтып сындап жатышат. БШКнын жетекчисинин мурдагы орун басары Жаркын Бапанова бул мекеменин соттон утулуп калышы анын аброюна көлөккө түшүрдү деп эсептейт. Анын баамында, шайлоо өткөрүүдөгү негизги органдын иши кынтыксыз башталышы керек болчу. «Мындан БШКнын аброю кетип жатат. Чырдашкан жаман көрүнүш, азыркы көрүнүш дагы уланат. Шайлоодон кийин өтпөй калгандар «БШК туура эмес кылды» деп соттошо башташат. Ошондой көрүнүшкө баратабыз», - деди Бапанова. Жарандык активист Гүлжигит Исаковдун пикиринде, шайлоо алдындагы окуялар, БШК менен соттун чечимдери бийликтин саясий оюну болуп жатат. Исаков парламенттик жарыш калыс өтөрүнө ишенбей турганын айтып, бийликти «шайлоону толук көзөмөлдөп жатат» деп сындады: «Бийликтин бардык бутактары өз милдетин аткарбай калганы сыр эмес. БШКнын чечимдеринде саясат бар экени белгилүү. «Бүтүн Кыргызстан» партиясы 2010-2015-жылдары деле де-факто өткөн. Бул сапар бийлик жарышка жеткирбей өткөрбөө планын карап көрдү. Бирок коомчулукта нааразылык күчөп кетпеши үчүн артка чегинди». Боршайком менен соттошкон партиялардын бири бийликчил, экинчиси оппозициячыл көз карашта болгон. Ушундан улам парламент депутаты Дастан Бекешев мындай чырларга бийликтин кийлигишкени байкалган жок деген ойдо. Ал мындай талаштарды шайлоо алдындагы юридикалык гана процесс катары мүнөздөдү: «Менимче булар юридикалык иштер. Бийлик басым кылып, кийлигишсе БШКнын чечимин сот да колдомок». Саясий серепчи Алмаз Тажибайдын баамында БШК көз каранды эмес орган катары калыптана албай жаткандыктан азыркы маселелер келип чыкты. Серепчи акыркы окуялардан улам БШКнын курамын, шайлоо өткөрүү формасын өзгөртүү зарыл экенин белгиледи: «Элдин ишеними жок болуп жатат. Алар атайылап кылып жатабы же партиялар, президент басым жасап жатабы деген шек жаралууда. Мындай күмөндү так аракеттер менен жоюш керек. Ал үчүн так жазылган шайлоо мыйзамдары зарыл. Азыр мыйзамдарда айрым учурлар так көрсөтүлбөй калгандыктан кемчилик кетип жатат». Шайлоого көз салган серепчи Айнура Усупбекова да партияны каттоо, шайлоо өткөрүү сыяктуу эреже-мыйзамдар так жазылбай калган деген пикирге кошулат. Анын оюнда, мындан тышкары партиялык түзүлүш да жакшы өнүкпөгөндүктөн, партиялар документ жана башка юридикалык маселеден аксап жатышат. Ушундан улам айрым учурда кырдаалга карап бийлик саясий чечим чыгарып жатат. «Соттун чыгарган чечими саясий кырдаалды оңдоп кеткендей болду. Мен эки маселе бар деп айтам. Биринчиси - партиялар жазылган мыйзамды туура сактабай жатышат. Экинчиси - БШКда бардык аракеттер, эрежелер так жазылган эмес. Акыркы окуялардын баары саясий чечимдер болду», - деди ал. Жогорку Кеңештин 120 депутаттан турган VII чакырылышын шайлоо 4-октябрга дайындалган. Ага 16 саясий партия катышып жатат. Шайлоо алдындагы үгүт өнөктүгү 4-сентябрда башталган. 9-сентябрда БШКда партиялардын шайлоо бюллетениндеги жайгашуу ирети аныкталды.

Подробнее
11 сентября 2020 г. 1:20

ИИМ: Аксыда "Мекеним Кыргызстанданбыз" деп башка үгүтчүлөрдү коркутууга шек саналгандар кармалды

7-сентябрь күнү Аксы районунун Үч-Коргон айылынын тургуну Б.Ш. милицияга кайрылып, айылдашы Т. Э. үстүнөн арызданган. Арызында аны «Мекеним Кыргызстан» партиясына үгүт жүргүзүүгө мажбурлашканын билдирген. Бул тууралуу Жалал-Абад облустук ички иштер башкармалыгынын (ОИИБ) басма сөз катчысы Шеркул Турганбаев «Азаттыкка» маалымдады: «Үч-Коргон айылынын тургуну Б.Ш. 7-сентябрь күнү айылдашы Т.Э. телефон аркылуу үйүнөн чакырып алып, «Биримдик» саясий партиясына үгүт кылбай, «Мекеним Кыргызстан» саясий партиясына үгүт жүргүз» деп уят сөздөр менен тилдеп, коркутуп зомбулук жасоого аракет кылышты» деп көрсөткөн. Жалал-Абад ОИИБдин жетекчилигинин көзөмөлү астында жүргүзүлгөн ыкчам-иликтөө иштеринин натыйжасында бул окуяга шектүүлөрдүн тек-жайы аныкталды. Аксы районунун тургундары 1985-ж.т. Э.У. жана 1987-ж.т. Т.Э. Аксы райондук сотунун чечими менен бир айга камакка алынды». Шеркул Турганбаевдин маалыматына караганда, бул арыз боюнча иш Жазык кодексинин 266-беренеси («Ээнбаштык») менен сотко чейинки териштирүүгө алынды. Жабырлануучуга соттук-медициналык экспертиза дайындалган. Учурда тергөө амалдары жүрүп жатат. Бул маалымат боюнча «Мекеним Кыргызстан» саясий партиясынан комментарий алууга мүмкүн болгон жок. Мурдараак партиянын коомчулук менен байланышуу бөлүмү «Мекеним Кыргызстан» саясий партиясынын үстүнөн түшүп жаткан түрдүү дооматтар суу кечпей турганын, бул шайлоо өнөктүгүндө атайын партияны жаманатты кылуу максатында жүргүзүлүп жаткан иш экенин «Азаттыкка» билдирген. Жогорку Кеңештин жетинчи чакырылышына депутаттарды шайлоо 4-октябрга дайындалган. Шайлоого үгүт иштери 4-сентябрда башталган. Жогорку Кеңештеги 120 орунга 16 саясий партия ат салышууда. (ZKo/TB)

Подробнее
11 сентября 2020 г. 1:20

Колесникова беларус бийлиги аны «өлтүрөбүз» деп коркутканын айтып берди

Беларус оппозициясынын лидерлеринин бири Мария Колесникова бийлик аны күчтөп депортация кылууга аракеттенгенде башына мүшөк кийгизип, «өлтүрөбүз» деп коркутканын айтып берген. Бул жөнүндө Tut.by эркин маалымат сайты анын адвокаты Людмила Казакка таянып жазды. Анын айтымында, Колесникова бийликке, анын ичинде КГБге каршы укуктук аракет көрүүнү көздөп жатат. Оппозиционерди жана оппозициядагы Координациялык кеңештин дагы эки мүчөсүн 7-сентябрда Минскинин борборунан белгисиз бирөөлөр машинеге салып кетишкен. Эртеси Украина менен чек арага алып барып ал өлкөгө өтөрүн айтышкан. Чек арадагы ээн жерге жеткенде Колесникова депортацияга жол бербеш үчүн паспортун айрып салгандан кийин аны кармоочу жайга жеткиришкен. Калган экөө Украинага кеткен. Колесникова президенттикке талапкер, камакта отурган Виктор Бабариконун шайлоо штабынын өкүлү. 9-августтагы шайлоо алдында катталбаган талапкер Валерий Цепкалонун жубайы Вероника Цепкало жана президенттикке талапкер Светлана Тихановская менен бирдиктүү үгүт жүргүзүп келген. Ал үчилтиктин өз өлкөсүндө калган акыркы мүчөсү болчу. Адвокаты Колесниковага «Бийликти басып алуу аракети» деген берене боюнча айып коюлганын айтып, денесиндеги көгала тактарды текшерүүнү талап кыларын кошумчалады.

Подробнее
11 сентября 2020 г. 1:20

Вудворд: Трамп коронавирустун коркунучун атайлап азайтып сүйлөгөн

АКШнын президенти Дональд Трамп пандемия башталганда жасаган билдирүүлөрүндө жаңы коронавирустун коркунучун атайылап азайтып сүйлөп жатты. Бул тууралуу америкалык ардагер журналист Боб Вудворд жаңы китебинде жазды. Ага ылайык, 19-марттагы интервьюсунда президент ызы-чуу жаратпаш үчүн ошенткенин моюнга алган. Автор Трамп дагы бир интервьюда «коронавирус силердин сасык тумооңордон да кооптуу, көп адамдын өмүрүн алат» деп айтканын мисал келтирген. 9-сентябрда «Washington Post» гезити китептен үзүндүлөрдү жана айрым маектердин аудиосун чыгарды. Вудворддун пикиринде, «Трамп федералдык өкмөттү толугу менен мобилизациялагысы келбегендей, маселелерди штаттар өздөрү чечсин дегендей» мамиле кылган. Ак үйдүн басма сөз катчысы Кейли МакЭнани президент оор учурда токтоо болууну көздөгөнүн айтты. «Президент COVIDге байланыштуу америкалык коомго эч качан калп айткан эмес, паникага алдырбоону көздөгөн», - деп жооп берди китеп тууралуу суроого МакЭнани шаршемби күнү брифингде. Апрелдеги басма сөз жыйынында Трамп ушундай эле мазмунда комментарий берген. Ноябрдагы президенттик шайлоо алдында мамлекет башчы демократ атаандашы, мурдагы вице-президент Жо Байдендин сынына туш болуп келет. Байден администрация пандемияны жакшылап ооздуктай алган жок деп эсептейт. COVID-19 Кошмо Штаттарда 190 миңдей кишинин өмүрүн алды.

Подробнее
11 сентября 2020 г. 1:20

Катарында жумушу жок талапкерлер басымдуулук кылган партиялар. Инфографика

Учурда депутаттыкка талапкер болгон ар бир үчүнчү кишинин жумушу жок. Ишсиздердин көбүн "Мекен Ынтымагы" партиясынан учуратууга болот.Sputnik Кыргызстан агенттигинин кабарчылары Шайлоо жана референдум өткөрүү боюнча борбордук комиссиянын сайтында көрсөтүлгөн талапкерлердин тизмесин карап чыгып, кайсы саясий партиянын катарында жумушсуздар көп экенин аныкташты. Партиялардын бюллетендеги катар номерлери бекиди. Ким канчанчы болуп жазылат? Депутаттыкка талапкер болгон жалпы 1 918 кишинин ар үчүнчүсүнүн жумушу жок. Иштебегендердин көпчүлүгү "Мекен Ынтымагы" партиясында. Анын катарында талапкерлердин 71 пайызы ишсиз. Экинчи сапта "Республика" турат, анда жумушсуздар тизменин жарымынан көп. Ошондой эле "Ата Мекен" партиясында дагы ушундай талапкерлер көбүрөөк. Ал эми "Чоң Казат" партиясында иши жоктор азыраак деп эсептелинип, алар жалпы тизмесинин 7 пайызын түзөрү маалым болду.

Подробнее
11 сентября 2020 г. 1:21

Шайлоо-2020: жаш талапкерлерге сурооңузду жазып калтырыңыз

Парламенттик шайлоого аттанган партиялардын жаш талапкерлерине сурооңуз болсо жазып калтырыңыз. Мындан тышкары телефон аркылуу да байланышып сурооңузду калтырсаңыз болот: +996 312 39 22 38; +996778762719 Загрузка…

Подробнее
11 сентября 2020 г. 1:22

Шайлоо бюллетениндеги партиялардын ирети аныкталды (Тизме)

9-сентябрда Шайлоолорду жана референдумдарды өткөрүү боюнча борбордук комиссия саясий партиялардын шайлоо бюллетениндеги ирет номурларын аныктоо боюнча чүчүкулак өткөрдү. БШКнын басма сөз кызматынан кабарлашкандай, чүчүкулак саясий партиялардын ыйгарым укуктуу өкүлдөрүнүн, жалпыга маалымдоо каражаттарынын, жарандык коомдун өкүлдөрүнүн катышуусунда ачык форматта өттү. 2020-жылдын 9-сентябрында түзүлгөн протоколго ылайык, Шайлоолорду жана референдумдарды өткөрүү боюнча борбордук комиссия 4-октябрда өтө турган Жогорку Кеңештин депутаттарын шайлоо процессинде колдонула турган шайлоо бюллетенинин текстин жана таризин бекитти. Парламенттик шайлоого жалпысынан 16 партия катышууда. Саясий партиялардын номурлары иреттик бюллетенде төмөнкүдөй бөлүштүрүлдү: 1. “Биримдик” демократиялык партиясы, 2. “Мекенчил”, 3. “Ыйман Нуру” адилеттүүлүк жана өнүгүү партиясы, 4. “Мекеним Кыргызстан”, 5. “Реформа”, 6. “Ата Мекен” социалисттик партиясы, 7. “Замандаш”, 8. “Бүтүн Кыргызстан”, 9. “Социал-Демократтар”, 10. “Мекен Ынтымагы”, 11. “Афганистан согушунун ардагерлери жана ушул сыяктуу кагышууларга катышкандардын саясий партиясы”, 12. “Ордо”, 13. “Бир Бол” мамлекеттик биримдик жана мекенчил партиясы“, 14. “Республика”, 15. “Кыргызстан”, 16. “Чоң Казат”

Подробнее
11 сентября 2020 г. 1:22

Боронов: Пандемия учурунда шайлоо өткөрүүдө катышуучулардан чоң жоопкерчилик талап кылынат

Шайлоо процессин өткөрүү коронавирус инфекциясы пандемиясы мезгилине туш келди. Бул саясий өнөктүктүн бардык катышуучуларынан социалдык жактан дагы чоң жоопкерчиликти талап кылат. Мындай пикирин Премьер-министр Кубатбек Боронов Республикалык ыкчам штабдын жыйынында билдирди. «Үгүт кампаниясы маалында партиялар жана шайлоочулар белгиленген санитардык ченемдер жана талаптарды сактоосу керек. Тийиштүү көзөмөл болушу зарыл. Мындан тышкары шайлоо күнү республиканын аймагындагы эпидемиологиялык көзөмөлдү камсыз кылуу шарт», - деди Өкмөт башчы. Ал ошондой эле Коопсуздук кеңешинин чечимине ылайык, добуш берүү күнү шайлоо участкаларына барган жарандарга, шайлоо комиссияларынын кызматкерлерине жана процесске тартылгандарга коронавирус инфекциясынын жугушун жана өпкөнүн сезгенишин алдын алуу боюнча жакынкы аралыкта план бекитилерин белгиледи. Штабдын жыйынында саламаттык сактоо объектилеринин курулушу жана жабдылышы боюнча маселелер да каралды. Премьер-министр бул маселелерди сапатуу жана өз учурунда иштеп чыгуунун маанилүүлүгүнө токтолду. Мындан тышкары санитардык эрежелерди сактоо боюнча эл арасында маалыматтык түшүндүрүү иштерин күчөтүү тапшырмасы берилди.

Подробнее

Язык

Партии

Дата

Источники