О проекте Статистика Проверка

Статьи

4136

Все статьи

4136

Позитивные статьи

0

Негативные статьи

0

Нейтральные статьи
8 сентября 2020 г. 13:52

«Инстаграмга» көчкөн үгүт

Быйылкы шайлоо үгүт өнөктүгү соцтармактарга көчтү. Буга чейин шайлоо алдындагы үгүт иштеринин убагында коомдук иш-чараларды өткөрүүдө көчөлөрдө, стадиондордо концерттерди, театрлаштырылган оюн-зоокторду, спорттук мелдештерди өткөрүүгө тыюу салынган. Кыргызстанда үч күн мурда 4-октябрда өтө турган шайлоого карата үгүт иштери башталды. Быйыл жылдагыдан айырмаланып үгүт өнөктүгүнүн басымдуу бөлүгү соцтармактарга көчүп, онлайн режимде өтүп жатат. Буга чейин коронавирус пандемиясына байланыштуу үгүт учурунда мурдагыдай стадиондордо жана көчөлөрдө концерт, жолугушуу, спорттук иш-чараларды өткөрүүгө тыюу салынган. Бирок соцтармакта катталуучусу көп блогерлер, эл адамдары баракчаларында жарнама жайгаштырып, үгүт иштерине буюртма ала баштады. Алып баруучу Назира Кадыева «онлайн үгүт» иштери чыгармачыл чөйрөдө кызуу талкууга алынганын айтуудв: «Бири-бирине чалып, ким кандай иштеп жатканына кызыгып жатышат. Көбү азыр билбей жатат. Мурда алдын-ала тактап, акчасын чечип алчубуз. Ар ким ар кандай акча берчү. Мисалы, алып баруучулар арасында үй же машине алгандар болгон. Азыр эми соцтармакта катталуучусу көп адамдарга сунуштар түшкөнү айтылууда. Мисалы, менин катталуучум көп эмес. Ошондон улам андай сунуштар болгон жок. Бирок актёр, вайнер же башкаларга ар кандай акча берип иштетип жатканын уктук. Менимче, соцтармак баары бир жүзмө-жүз көрүшүүгө жетпейт экен. Айылдарда, жер-жерлерде соцтармак колдонбогондор деле толтура да». Шайлоо өнөктүктөрү акыркы жылдары шоу-бизнес өкүлдөрүнүн каражат булагы болуп келген. Мындай иш-чаралардын арты менен чыгармачылыгында клиптерди тарттырып, жашоо-шартын түздөп алгандар бар. Буга чейинки шайлоо өнөктүгүндө ырчылар ырдоо акысын орто эсеп менен бир сезонго 30 миң долларга чейин баалап келишкен. Ал эми алып баруучулар 10 миң доллардан жогору алып келген. Адистердин айтымында, соцтармактагы жарнаманын баасы катталуучулардын санына жараша өлчөнөт. Жарнаманы колдонуучуларынын саны 100 миңден 1-2 миллионго чейин жеткен блогерлер акча алып жайгаштырат. Кыргыз Интернетинде адатта андай жарнама акысы 100 доллардан 1000 долларга чейин жетет. Үгүт иштери башталгандан бери бул көрсөткүч бир канча эсе көтөрүлгөнү, тагыраагы 10 миң доллардан жогору экени айтылууда. Бирок партиялар менен иштешип жаткан ырчылар жана актёрлор өнөр акысы жана иши тууралуу ачык айтып берүүдөн баш тартышты. Акчага сатып алынган жарнамалар «Фейсбук» жана «Инстаграм» баракчаларында арбын. Үгүт иштеринин басымдуу бөлүгү бул жолу «Инстаграмда» жүрүп жатат. Кыргызстанда «Инстаграмды» расмий эсеп боюнча 2 миллиондон ашык адам колдонот. Колдонуучулардын саны боюнча өлкөдө бул тармак биринчи орунда турат. Гендердик курам боюнча да дээрлик бирдей, колдонуучулардын 49% аялдар, 51% эркектер түзөт. Мында видео жана сүрөт көрүү боюнча эң жогорку көрсөткүч байкалат. Алып баруучу, диджей Акыл Жеңишбек уулу «Инстаграмда» ар кандай оюндарды уюштуруп, катталуучусу көп блогерлер менен тыгыз иштешип келет. Алып баруучу бул соцтармакта шайлоого даярдык жарым жыл мурда башталганын айтты: «Партиялар жана талапкерлер негизи соцтармактарда жыл башынан бери катталуучуларын көбөйтө башташкан. Алар ар кандай жол менен иштешкен. Бири ГИВге катышып топтосо, дагы бири даяр баракчаларды сатып алды. Себеби, соцтармактын жакшы жери - алар feedback (кайтарымды) көрүп, дароо ким окуганын, ким көргөнүн, кайсыл жарыя жакшы чыкканын билет. Акчаны кайда короткону да байкалат. Ошондой эле бул баракчада таргетке коюп, аудиторияны кеңейтсе болот. Талапкерлер кийин баракчасын эл менен байланышуу үчүн иштетсе жакшы болмок. Бир жылдардагы гезиттерди жана сүрөттөрү бар плакаттарды эми соцтармактар алмаштырды».​ ГИВ - «Инстаграмда» катталуучу топтоонун тез жолу. Бир айга жетпей 10-50 миң адамдык аудиторияны чогултууга болот. Мындай оюндарды катталуучусу көп блогер же чыгармачыл адамдар уюштурат. Бул жолду көбүнесе бизнесине кардар табууну же атын чыгарууну каалагандар тандашат. Адистер быйылкы жарым жылдыкта ГИВге катышып катталуучу топтогондордун арасында шайлоого аттанган партиялардын бир топ талапкерлери болгонун белгилешет. Маркетолог, СММ адиси Айчүрөк Аманова үгүт иштери учурунда кайсы талапкердин баракчасы сатып алынып же жасалма түрдө катталуучу топтолгону дароо эле байкалганын айтып берди: «Адистер баракчаларды карап отуруп эле ким кандай жол менен аудиторияны топтоп алганын байкаса болот. Биздин саясатчылар же партиялар аброй топтош үчүн катталуучусунун саны көп болушу керек деп эсептешет. Бирок алар сан менен кошо натыйжалуулукка көңүл бурушпайт. Мисалы, айрым талапкерлердин катталуучулары 30-40 миңге же 100 миңге жеткени менен пикирлери абдан аз. Демек, бул жасалма жол менен катталуучу топтогон баракчалар. Кээ бир катталуучусу көп модел кыздардын же интернет дүкөндөрдүн баракчалары азыр эми шайлоого жакын талапкерлердикине айланды». Интернеттеги соцтармактарда шайлоого катышып жаткан 15 саясий партиянын тең расмий баракчалары бар. Алардан аттанып жаткан талапкерлердин көбү соцтармакты жигердүү колдонушат. Биз баракчалар ачылган күндөн тартып анда жарык көргөн материалдарды акмалап, талдап көрдүк. Кызыгы, мурдагы чакырылыштагы шайлоолорго катышып келген партиялардын баракчалары беш жылда бир жолу, башкача айтканда, үгүт учурунда гана жанданат экен. Башка учурда алардын жазуулары бир канча эсе аз. Ал эми быйыл гана шайлоого аттанып жаткан партиялардын көбүнүн баракчасы ашып барса жарым жыл мурда ачылган, арасында бир ай мурда же сентябрдын башында ишке киргендери да бар. Учурда партиялардын медиадагы PR иштерине сереп салып жаткандардын бири - «Стратегия Восток-Запад» талдоо борборунун жетекчиси Дмитрий Орлов. Медиа адис партиялар аброюн бир ай ичинде эле үгүт иштери аркылуу көтөрө албай турганын эске салды: «Кыргызстанда партиялардын, талапкерлердин да аброю жакшы эмес. Быйыл жаңы эле шайлоого катышып жаткан партияларда да абал ушундай. Ошондуктан элге жагып, аброюн көтөрүш үчүн бир айлык үгүт иши аздык кылат. Бул - тынымсыз иш. Бирок талапкерлер шайлоого аз калганда атын чыгара башташат. Чынында саясий партия деле товар. Аны менен күнүгө, жылы бою тынбай иштеп, сатыш керек. Товардан айырмаланып, партияга кызыккандар аз. Ошондуктан Батышта саясатчылардын, саясий партиялардын жарнамасын ири PR кызматтар, компаниялар ишке ашырат. Бизде шайлоо PR жылдагыдай эле «ак» жана «кара» болуп бөлүнөт».​ Адатта үгүт иштеринде соцтармактар аркылуу мактоочу жана каралоочу маалыматтарды уюмдашкан жашыруун топтор ишке ашырат. Мындай топтор саясий күчтөрдүн таламын талашып, каршылаш тарапты каралоого ыңгайлашкан. Мындай ишке адистешкен адамдарды «тролль» деп аташат. Адистер андай жашыруун топтордун кызматын бийликтеги күчтөр баш болуп, ири саясий партиялар, саясатчылар колдонорун айтууда. Алар үчүн атайын маалыматтар даярдалып, аны «жел колдонуучулар» же башкача айтканда фейктер мезгил-мезгили менен Интернеттеги талкууларга жүктөп турушат. Мындай ыкма менен алар Интернетте коомдук пикир түзүүгө жана талкуулардын нугун өзү каалаган жакка бурууга аракет кылышат. Саясий күрөштүн бул «гибриддик» түрү шайлоого чейин өтө кызуу колдонулат. Маркетолог, СММ адиси Темирлан Аскеров үгүт өнөктүгү учурунда шайлоочулар фейк маалыматтарды ажырата билиши керек экенин билдирди: «Азыр саясатчылар бири-бирин жамандап, такталган, такталбаган маалыматтарды чыгара башташты. Бул кара пиар дайыма эле колдонулуп келет. Ошол эле кезде ар кандай фейк аккаунттар, фейк маалыматтар тарай баштайт. Азыр эми окурмандардын алдында маалыматты тактап, иргеп алуу милдети турат. Тараган маалыматтын баары эле чын болбойт». Быйылкы шайлоо өнөктүктөрү элдин үрөйүн учурган пандемия убагына туура келди. Миңден ашык адамдын өмүрүн алган бул оору элдин бийликке, ошол эле депутаттарга болгон талабын көбөйткөн. Ушундан улам жакында боло турган шайлоого чыгармачыл чөйрөнүн бир катар өкүлдөрү жарандык позициясын айтып чыгышты. Ал эми эстрада ырчысы Кайрат Примбердиев - «бул жылы бир да партияга ырдап, иштебейм» деген чыгармачыл адамдардын бири. Буга чейин президенттик шайлоодо азыркы өлкө башчынын командасында иштеген ырчы бул чечимин мындай түшүндүрдү: «Жыл башында эле ушундай чечим кабыл алгам. Мен бизди уккан эл бизге ишенип тандайт экен деген ойго келип, ушундай чечим кабыл алдым. Мага шайлоо өнөктүгүнө аз калганда эки партиядан сунуш түштү. Аларга дароо макул эмес экенимди айттым. Акчасын бычып, сүйлөшкөнгө жеткен жокпуз. Ошондуктан, мен быйылкы баа менен деле салыштырып айта албайм». Үгүт иштери башталгандан бери жарнама боюнча буюртмалар соцтармакта катталуучусу көп вайнерлерге да келип түшкөн. Өлкөнүн түштүгүндө белгилүү вайнер, тамашоучу Эмил Токтошевди «Инстаграмда» жарым миллион адам окуйт. Токтошев да бул жолу үгүт иштерине катышуудан баш тартканын айтууда. «Мен ушундай чечимге келдим. Бул жолу бир да партияны тандаган жокмун. Катталуучуларымды да кандайдыр бир чечимге үндөгүм келген жок». Кыргыз Интернетинде эл өкүлдөрүнүн дарегине сын-пикир айтылган посттор, билдирүүлөр жаздан бери токтобой келет. Ушундан улам да жакында боло турган шайлоодо добушун сатпай, туура тандоого үндөгөн тасмалар менен вайндар тарап жатат. Эл аралык уюмдар парламенттик шайлоого катышып жаткан саясий партияларга кайрылып, коронавирустун жайылышына жол бербөөгө чакырышты. БУУнун Кыргызстандагы өкүлчүлүгү тараткан маалыматта саясий партияларды үгүт иштерин жүргүзүүдө COVID-19дун жайылуу коркунучунун алдын алууга жетиштүү көңүл буруу керек экендиги айтылган. Кыргызстанда кезектеги парламенттик шайлоо 4-октябрда өтөт.

Подробнее
8 сентября 2020 г. 13:52

«Социал-демократтар» партиясынан депутаттыкка көрсөтүлгөн талапкерлердин тизмеси

Мамлекеттик «Эркин Тоо» гезитине Жогорку Кеңештин депутаттарын шайлоого катышып жаткан саясий партиялардын талапкерлеринин тизмеси жарыяланды. «Социал-демократтар» партиясынан Жогорку Кеңештин депутаттыгына 101 талапкер катталды. Тизме төмөнкүдөй иретте түзүлгөн: № Аты-жөнү Туулган күнү, жылы Иштеген жери Ээлеген кызматы 1. Атамбаев Сеидбек Алмазбекович 02.07.1976 ЖЧК «Автомаш-Энерго» Башкы директор 2. Карамушкина Ирина Юрьевна 07.04.1964 Жогорку Кеңеш Депутат 3. Артыков Анвар 30.11.1951 Жогорку Кеңеш Депутат 4. Жунушалиев Рустам Рахманович 07.12.1983 ЖЧК «Аруу Эл Инвест» Башкы директор 5. Орозова Карамат Бабашевна 16.04.1958 Жогорку Кеңеш Депутат 6. Касымбеков Нурбек Айтыевич 06.02.1967 Убактылуу иштебейт 7. Жээнбеков Жусупжан Амражанович 23.03.1956 Убактылуу иштебейт 8. Султанбеков Темирлан Медетбекович 12.09.1998 Убактылуу иштебейт 9. Жолдошова Назгүл Амантуровна 19.07.1986 Убактылуу иштебейт 10. Султан Кылычбек Камчы 04.01.1976 Убактылуу иштебейт 11. Мырсалиева Айжана Мырсалиевна 27.05.1984 Убактылуу иштебейт 12. Жээбеков Равшан Бабырбекович 19.09.1970 Убактылуу иштебейт 13. Талиева Камила Абдыразаковна 28.12.1967 Убактылуу иштебейт 14. Усубалиев Таалайбек Болотбекович 01.11.1967 КСДП саясий партиясы Катчылыктын башчысы 15. Кодуранова Асел Союзбековна 13.01.1971 Жогорку Кеңеш Депутат 16. Найзабеков Асылбек Алымбекович 02.12.1962 «Жума-Найза» дыйкан чарба Дыйкан 17. Камаева Айчүрөк Үсөнбековна 25.02.1987 Юстиция министрлиги Актылардын долбоорлорун экспертизалоо боюнча жетекчи 18. Борбукеева Рита Нурмаметовна 17.12.1969 «Алтын-Көл» эс алуу жайы Директор 19. Сатыгул кызы Надира 07.06.1964 ЖЧК «Форум» Башкы бухгалтер 06.2006 - 07.2018 20. Акматов Азамат Жусупбекович 17.01.1977 Юридикалык фирма «A.Z.Consulting» Башкы юрист 21. Темирбаева Сауле Караджигитовна 23.08.1974 Врач-невролог 22. Шатманова Шайиста Рахманбердиевна 16.10.1981 Убактылуу иштебейт 23. Слесарев Сергей Михайлович 02.01.1961 ЖЧК «РБС» Адвокат 24. Жумабаева Нурхан Сатволдыевна 21.09.1974 ЖЧК «Пчелки» Директор 25. Самигуллина Альфия Эльдаровна 02.02.1968 Жогорку Кеңеш Депутат 26. Саитова Минавархан Аттокуровна 05.07.1963 ЖЧК «Мухаммед Азиз Динар» Директор 27. Тентиев Талгарбек Алманбетович 14.09.1990 Орловка шаардык кеңеши Депутат 28. Турксевер Роза Турсуновна 15.04.1970 «Магазин У Аюпа» Директор 01.1995 - 01.2020 29. Саралаев Адилет Айдаркулович 06.07.1986 30. Ниязов Фарид Абилезимович 27.04.1958 Убактылуу иштебейт 31. Халикова Ашэра Леджебовна 09.12.1974 Убактылуу иштебейт 32. Эрматов Байсалбек Эрдоолатович 09.07.1978 33. Орозбакова Гүлмайрам Садыровна 21.10.1958 ООЖ «Мырза-Айым» Төрага 34. Маматбуваев Бахадир Сайдуллаевич 26.07.1959 ЖЧК «АРС» Жетекчи 35. Айнакулов Мухтарбек Айнакулович 13.11.1957 Жогорку Кеңеш Депутат 36. Жоошев Замирбек Тургунбаевич 14.05.1989 «Прецедент» юридикалык компаниясы Адвокат 37. Измалкова Алла Николаевна 30.03.1961 Убактылуу иштебейт 38. Сулайманов Нурлан Исмаилович 08.10.1968 Убактылуу иштебейт 39. Садабаев Мирбек Дүйшенбекович 29.07.1978 Убактылуу иштебейт 40. Токомбаев Райымбек Замирбекович 03.02.1978 Убактылуу иштебейт 41. Самиева Машхура Шавкатовна 16.05.1982 «Инновация» жеке курстар Мугалим 42. Ростовцев Сергей Владимирович 15.11.1969 Федерация СБЕиСП Президент 43. Кермалиев Таалайбек Жеңишович 17.03.1970 ЖЧК «Арпа-Бишкек» Соода боюнча директору 44. Касмалиев Илимар Карыпович 07.02.1993 «Касмалиев» ЖИ Жетекчи 45. Сокушова Бактыгүл Нурманбековна 26.09.1985 Убактылуу иштебейт 46. Маматов Зарылбек Топчубаевич 13.02.1980 ЖЧК «Нуркызмат» Директор 47. Заитов Мамир Моминжанович 15.01.1964 Нариман айыл өкмөтү Айыл башчы 48. Абдиев Тилек Таштанбекович 15.11.1991 Убактылуу иштебейт 49. Мукамбетова Сайракан Сагыновна 30.12.1953 Убактылуу иштебейт 50. Атамбаев Кадырбек Алмазбекович 26.04.1993 Убактылуу иштебейт 51. Атамкулов Алиярбек Аскарбекович 17.12.1965 Убактылуу иштебейт 52. Аразов Автандил Мукаевич 18.04.1982 Жогорку Кеңеш Депутаттын консультанты 53. Малтаева Кундус Бейшеновна 20.11.1964 Жеке ишкер ЖИ 02.1998 - 54. Сансызбаев Канатбек Калыбекович 06.08.1979 Убактылуу иштебейт 55. Абдуллажанов Жалалидин Тохтасинович 21.05.1987 Убактылуу иштебейт 56. Кожалиев Кайрат Жалилбекович 17.05.1967 57. Караева Элвира Жумабековна 15.02.1987 Убактылуу иштебейт 58. Аманов Нурсултан Шарипович 28.01.1993 «Аманов» жеке ишканасы Директор 59. Борончиев Алик Дайырбекович 01.01.1985 Убактылуу иштебейт 60. Бейшенбек уулу Ынтымак 09.02.1990 Жеке ишкер 61. Орозалиева Тилекжан Буласбековна 28.05.1981 Жеке ишкер 62. Шайдылдаев Раффаэль Анарбекович 10.08.1970 Убактылуу иштебейт 63. Окенов Эрмек Тологонович 06.06.1989 Убактылуу иштебейт 64. Даудов Руслан Акрамович 24.11.1985 Дыйкан 65. Султанходжоева Сайха Алиаскаровна 02.05.1960 66. Ишенов Марат Жыргалбекович 07.03.1987 67. Кадыров Абдылдабек Наркозуевич 26.03.1953 Убактылуу иштебейт 68. Чекиров Урмат Бекенович 09.07.1984 Убактылуу иштебейт 69. Ахмаджанова Дилфуза Анарбаевна 28.05.1966 70. Сариев Элес Раимкулович 30.11.1963 Убактылуу иштебейт 71. Эшматов Акылбек Абдылдаевич 17.06.1957 Республикалык топурак-химия станциясы Чарба башчысы 72. Гавришев Виктор Юрьевич 08.12.1957 Убактылуу иштебейт 73. Увалканова Фарида Сулхарнаиновна 09.03.1957 Убактылуу иштебейт 74. Мирзабеков Чингиз Авазович 01.10.1981 Адвокат 75. Орозобеков Бакытбек Орозобекович 20.05.1982 ААК «Медиа Форум» Техникалык адис 76. Баабиев Фархат Жекшенбекович 23.01.1979 Убактылуу иштебейт 77. Абдраимова Анара Мекенбаевна 24.01.1961 Убактылуу иштебейт 78. Абайлдаев Семетей Ерболатович 26.09.1990 Убактылуу иштебейт 79. Мукамбетов Жакшылык Мамбетказиевич 05.08.1966 ЖЧК «Климат КГ» Башкы директор 80. Чингишпеков Эркин Чингишпекович 08.09.1992 ЖЧК «Манас Хэдпинг» Башкы директордун орун басары 81. Эдилова Асылкүл Камчибековна 22.07.1958 Убактылуу иштебейт 82. Иса уулу Жандарбек 04.02.1990 Убактылуу иштебейт 83. Жумабаев Артур Маратович 26.05.1989 ЖЧК «АВА Консалтинг» Башкы директор 84. Эмил уулу Мунарбек 02.08.1990 Убактылуу иштебейт 85. Ибраимова Алтын Садыралиевна 11.04.1955 86. Кожомкулов Дамир Асанович 22.12.1957 ААК «Медиа форум» Директор 87. Рустамов Абдыкалык Алибекович 19.11.1964 Убактылуу иштебейт 88. Мамыталиев Мурат Абдыназарович 23.02.1960 89. Хыйнаева Батихан 10.11.1954 Убактылуу иштебейт 90. Исаев Төлөгөн Бекташович 23.08.1959 «Береке-Булак» СПА Башкы бухгалтер 91. Кидиков Медер Асылбекович 26.12.1984 Убактылуу иштебейт 92. Азиев Садык Абийрович 13.02.1971 «Тайчилен» кооперативи Жеке ишкер 93. Кожомбердиева Нургүл Тураровна 13.06.1967 Убактылуу иштебейт 94. Жетибаев Бакас Кылычбекович 03.09.1985 «Ысык-Көл» аэропорт Башкы инженер 95. Эсенбеков Максат Эсенбекович 01.08.1993 Убактылуу иштебейт 96. Мамбеталиев Кубанбек Шаршенбаевич 02.11.1965 Дарыгер 97. Дүйшеева Сыягүл Усеновна 16.10.1968 «Өмүр жамгыры» РБ Директор 98. Жусупов Мурат Зарылбекович 21.02.1977 «Жусупова» жеке ишканасы Директор 99. Стукошин Федор Викторович 24.05.1984 Убактылуу иштебейт 100. Тойгомбаева Динара Зарлыковна 24.11.1979 Убактылуу иштебейт 101. Абдыкеримов Бакыт Тилебердиевич 01.03.1993 Убактылуу иштебейт Шайлоо мыйзамдарына ылайык саясий партиялар Борбордук шайлоо комиссиясына (БШК) 75тен аз эмес, 200дөн ашпаган талапкердин документин тапшырышы керек. Талапкерлеринин документтери талаптарга шайкеш келген партиялар парламенттик шайлоого катышуу укугуна ээ болот. БШК мындай укукту 15 партияга берди. Жогорку Кеңештин 120 депутаттан турган VII чакырылышына шайлоо 4-октябрга дайындалган. Шайлоо алдындагы үгүт өнөктүгү 4-сентябрдан тартып жүрүп жатат. (BTo)

Подробнее
8 сентября 2020 г. 13:52

БШК Facebook сайтындагы саясий жарнаманы текшерип турмай болду

Кыргызстандын Борбордук шайлоо комиссиясы (БШК) шайлоого катышып жаткан партиялардын Интернеттеги саясий жарнамасын каржылоодогу мыйзамдуулукту көзөмөлдөө максатында Facebook платформасы менен кызматташа баштады. Мекеменин басма сөз кызматы кабарлагандай, Facebook сайтынын өкүлдөрү менен 7-сентябрда онлайн жыйын өткөрүлүп, кызматташуу маселелери талкууланды. Жыйынды уюштурууга Бириккен Улуттар Уюмунун (БУУ) Өнүктүрүү программасынын Бишкектеги өкүлчүлүгү жардам берди. Facebook өкүлдөрү бул платформага катталган тигил же бул аккаунт кайсы адамга таандык экенин документтин негизде аныктоо мүмкүн экенин, саясий жарнаманын баары атайын бөлүмдө сакталарын, бүгүнкү күндө ал жерде 3 737 доллар акы төлөнгөн 879 жарнама бар экенин айтып беришти. БШК төрайымы Нуржан Шайлдабекова Facebook платформасы көргөн чаралар өтө маанилүү экенин, себеби алар депутаттыкка талапкерлердин саясий жарнамасын ким каржылап жатканын көрүп турууга мүмкүнчүлүк берерин айтты. Социалдык түйүндөр шайлоо өнөктүгүндө маанилүү роль ойноп жатканын кошумчалады. Жогорку Кеңештин 120 депутаттан турган VII чакырылышына шайлоо 4-октябрга дайындалган. Шайлоо алдындагы үгүт өнөктүгү 4-сентябрдан тарта жүрүп жатат. (BTo)

Подробнее
8 сентября 2020 г. 13:52

Шайлоо-2020: Эл аралык 25 байкоочу катталды

Борбордук шайлоо комиссиясы (БШК) парламенттик шайлоого карата эл аралык байкоочуларды каттоону баштады. Боршайкомдун маалыматына караганда, 7-сентябрдагы отурумда эл аралык уюмдардын 25 байкоочусу расмий каттоого алынды. Алардын 18и Европадагы Коопсуздук жана Кызматташтык Уюмунун (ЕККУ) Демократиялык институттар жана адам укуктары боюнча бюросунан (ДИАУБ), бешөө Көз каранды эмес мамлекеттер шериктештигинен (КМШ), экөө Молдованын Боршайкомунан катталды. Ал эми жергиликтүү байкоочулар, 8-сентябрга карата маалыматка караганда, тогуз коомдук уюмдан катталды. Алар: «Жалпы иш», «Таза Шайлоо», «Билоу», «Майыптарга юридикалык жардам берүү», «Майыптыгы бар адамдардын укуктарын коргоо комитети», «Мир – свет культуры», «Эгль», «Келечекке жол» жана «Кыргызстандын юридикалык коому» уюмдары. Кыргызстанда кезектеги парламенттик шайлоо 4-октябрда өтөт. Азыр бир айлык үгүт өнөктүгү жүрүп жатат. (RK)

Подробнее
8 сентября 2020 г. 13:54

БШК Facebook компаниясына бир күн саясий жарнаманы чыгарбай турууну сунуштады

Жогорку Кеңешке шайлоо өлкөдө 4-октябрда өтөт. Ал эми ага чейинки 3-октябрь жымжырттык күнү деп саналат.БИШКЕК, 8-сен. — Sputnik. Борбордук шайлоо комиссиясынын жетекчилиги Facebook компаниясынын өкүлдөрү менен онлайн режимде жолугушуу өткөрдү. Бул тууралуу БШКнын маалымат кызматы кабарлады. Комиссиянын төрайымы Нуржан Шайлдабекова менен мамлекеттик саясат маселелери боюнча менеджер Кавит Канхи баштаган Facebook делегациясы социалдык тармакта саясий жарнактарды жайгаштырууну талкуулаган. "Бардык саясий рекламалар Жарнамалар китепканасына кошулат. Аны www.facebook.com/ads/library/report шилтемесинен таап, Кыргызстан деген жерди тандоо керек. Учурда Кыргызстанга таандык 879 жарнама бар (3 737 долларга бааланган). Анын ичинде партиялар менен жарандардын рекламасы үчүн каражат төккөндөр бар", — деп айтылат маалыматта. "Бүтүн Кыргызстандын" доо арызы боюнча сот кийинкиге жылдырылды. Себеби Шайлдабекова белгилегендей, саясий реклама берген аккаунттардын ким экенин көрсөтүп далилдеп турган көк белги (верификация) — шайлоону таза өткөрүүгө жасалган аракеттердин бири. "Бул кайсы бир партиянын же талапкерлердин саясий жарнамасынын каржыланышынын ачыктыгын көзөмөлдөөгө мүмкүндүк берет. Партиялардын верификация процедурасынан өтүшү — фейк-аккаунттар менен күрөшүүгө жардам берет", — деген ал. БШК башчысы жымжырттык күнү социалдык жарнама жайгаштырууга бөгөт коюу мүмкүнчүлүгү тууралуу сураган. Facebook өкүлдөрү бул азырынча АКШда гана жеткиликтүү экендигин, бирок Кыргызстан расмий түрдө сурам жиберсе маселе караларын билдиришкен. Тараптар бул маселе боюнча мындан аркы байланышты улантууга макулдашышты. Эске салсак, Жогорку Кеңешке шайлоо өлкөдө 4-октябрда өтөт. Ал эми 3-октябрь жымжырттык күнү деп саналат.

Подробнее
8 сентября 2020 г. 13:54

Партиялар кайсы күнү ким менен теледебатка чыгат? Убакыт-сааты

Шайлоо 4-октябрга белгиленген. Ага чейин партия лидерлери, андагы аялдар жана жаштар өз-өзүнчө дебатка чыгышмакчы.БИШКЕК, 7-сен. — Sputnik. Борбордук шайлоо комиссиясы саясий партиялар кайсы күндөрү теледебатка чыгарын айтты. Билдирмеге ылайык, дебаттар 28-сентябрда башталып, октябрдын ортосуна чейин уланат. Ага партия лидерлери катышмакчы. КТРКдагы эфирдик убакыт — саат 20:00дөн 23:00гө чейин. 28-сентябрда дебатка чыкчу партиялар: "Мекеним Кыргызстан"; "Социал-демократтар"; "Реформа"; "Ата Мекен"; "Ордо". 30-сентябрда дебатка чыкчу партиялар: "Мекен Ынтымагы"; "Бир Бол"; "Ыйман Нуру"; "Кыргызстан"; "Республика". 2-октябрда теледебатка чыкчу партиялар: "Мекенчил"; Афганистан согушунун ардагерлеринин жана башка согуштук конфликттердин катышуучуларынын саясий партиясы; "Чоң казат"; "Замандаш" "Биримдик". Буга чейин ар бир партия 7-9-11-сентябрда 10 мүнөттөн элге кайрылуу жасашат. Мындан сырткары, 21-23-25-сентябрда аял-талапкерлердин теледебаттары болот. Ал эми партиялардын жаш өкүлдөрүнүн дебаты 14-16-18-сентябрда өтмөкчү. Маалым болгондой, талапкерлер менен түз байланыш да уюштурулат. Ал 7-сентябрдан 11-сентябрга чейин уюштурулат. Белгилей кетсек, парламенттик шайлоо өлкөдө 4-октябрда өтмөкчү. Азырынча 15 партия каттоодон өттү.

Подробнее
8 сентября 2020 г. 13:59

Шайлоо: Ош шаарына Эл аралык байкоочулар келишти. Максаты эмне?

Ош шаарына КМШнын Парламенттер аралык ассамблеясынын эл аралык байкоочулары келишти. Бул тууралуу шаар мэриясынын басма сөз кызматы билдирди. Кечээ, 7-сентябрь күнү Ош шаарынын вице-мэри Эмилбек Шадыханов баштаган мэриянын аппарат кызматкерлери жана КМШнын парламенттер аралык ассамблеясынан эл аралык байкоочулар Роман Амбурцев жана Роман Ромашов менен жолукту. Жолугушуу учурунда тараптар КРнын ЖКнын депутаттарын шайлоого даярдык көрүү тууралуу сүйлөшүүлөр жүрдү. “Аталган ассамблеянын Кыргызстанга болгон сапарынын башкы максаты- шайлоонун ачык-айкындыгын камсыз кылуунун негизги каражаттарын изилдөөгө мониторинг жүргүзүү. Бул программанын негизинде биз региондордун жетекчилери, жергиликтүү башкаруу органдары, партиялардын лидерлери жана шайлоону ачык-айкын, мыйзамдуу өткөрүүнү камсыз кылуучулар менен жолугушууларды уюштурабыз”,-деп маалымдады эл аралык байкоочулар. Ошондой эле ЖКнын депутаттарын шайлоого КМШнын Парламенттер аралык ассамблеясынан, демократияны өнүктүрүү жана мониторинг жүргүзүү боюнча Эл аралык институтунан делегация келиши каралган. КРнын Жогорку Кеңешинин депутаттарын шайлоо 4-октябрь күнү өтөт.

Подробнее
8 сентября 2020 г. 13:55

БШК соцтүйүндөгү саясий жарнама маселелери боюнча Facebook менен кызматташа баштады

Боршайком соцтүйүндөгү саясий жарнама маселелери боюнча Facebook менен кызматташа баштады. Бул тууралуу БШКнын басма сөз кызматы билдирди. Маалыматка ылайык, БШК Facebook социалдык түйүнүнүн өкүлдөрү менен онлайн форматта жолугушуу өткөрдү. "Фейсбукта саясий жарнаманы жайгаштыруу, аны маркировкалоо жана түйүндө жайгаштыруу үчүн акы төлөөнүн булагын аныктоо маселелери КР БШКнын Facebook социалдык түйүнүнүн өкүлдөрү менен жолугушуусунун башкы максаты болду", - деп айтылат маалыматта. Жолугушуу Бириккен улуттар уюмунун Өнүктүрүү программасынын (БУУӨП) Кыргызстандагы кеңсеси тарабынан уюштурулган. Жолугушууга БШКнын төрайымы Н.Шайлдабекова, БШКнын маалымдоо жана үгүт иштерин жүргүзүү боюнча жумушчу тобунун мүчөсү Гүлнара Журабаева, БШКнын маалымат бөлүмүнүн жетекчиси Руслан Изреков катышты. Ал эми Facebook тарабынан жолугушууга Мамлекеттик саясат маселелери боюнча менеджер Кавита Канхи жана Фейсбуктун шайлоонун тазалыгын камсыздоо бөлүмүнүн жетекчиси Наташа Джог катышты. Жолугушууга ошондой эле БУУӨПтүн Шайлоо боюнча улук кеңешчиси Юлия Шипилова катышты. Жолугушуу учурунда Facebook өкүлдөрү түйүндүн инсанды тийиштүү документтердин жардамы менен тастыктоо жолу аркылуу колдонуучуларды идентификациялоого байланышкан саясаты тууралуу маалымдап, мында кайсы аккаунтта кандай адам катталгандыгы так белгилүү боло тургандыгын айтышты. Бардык саясий жарнама www.facebook.com/ads/library/report дарегинде жайгашкан жана коомдук мааниге ээ маселелерге, шайлоого же саясатка байланышкан Жарнама китепканасына топтолот. Анын жогорку бетиндеги тандай турган жеринен Кыргызстан өлкөсүн тандоо керек. Азыркы тапта Кыргызстан боюнча китепканада 879 жарыя бар, аларга жалпысынан $3 737 каражат жумшалган. Китепканада ошондой эле жарнамага акы төлөгөн жеке инсандар менен партиялар жөнүндө маалымат да чагылдырылат. КР БШК төрайымы Н.Шайлдабекова Facebook менен кызматташуунун маанилүү экендигин белгилеген. "Биз Facebook өкүлдөрү менен кызматташып баштаганыбызды абдан баалайбыз. Facebook тарабынан саясий жарнамалар жайгаштырылып жаткан аккаунттарды верификациялоо боюнча көрүлүп жаткан чаралар Фейсбуктун шайлоонун таза өтүшүнө кошуп жаткан салымы деп эсептейбиз. Бул тигил же бул партиянын же талапкердин саясий жарнамасын каржылоонун ачык-айкындуулугуна көз салууга мүмкүнчүлүк берет. Партиялар, өз кезегинде, верификация жол-жоболорунан өтөт, бул болсо алардын фейк аккаунттарга каршы күрөшүнө жардам берет", - дейт ал. "Социалдык түйүндөр шайлоо кампаниясын өткөрүүдө маанилүү роль ойноодо. Ушул маселени жөнгө салган эл аралык стандарттардын жок экендигине байланыштуу Facebook социалдык түйүнү акы төлөнүүчү саясий жарнаманы каржылоонун ачык-айкындуулугун камсыздоо жана шайлоочуга мындай жарнаманы каржылоо булактары тууралуу толук маалымат берүү боюнча өз саясатын ишке киргизүүдө. Бул, албетте, шайлоочунун аң-сезимдүү тандоо жасашына көмөкчү болот", - деп белгиледи БУУӨПтүн Шайлоо боюнча улук кеңешчиси Юлия Шипилова. КР БШК төрайымынын “тынч күнү” (“день тишины”) Америка Кошмо Штаттарынын президентин шайлоодо колдонула турган саясаттын мисалы боюнча Facebook платформасында саясий жарнаманы жайгаштыруу мүмкүнчүлүгүнө бөгөт коюу мүмкүндүгү тууралуу суроосуна Facebook өкүлдөрү бул жаңы саясат экендигин жана азырынча АКШ аймагында гана колдонула тургандыгын, бирок Кыргызстан расмий түрдө суроо-талап менен кайрыла турган болсо, бул маселени карап көрүүгө даяр экендиктерин маалымдашты. Тараптар ушул маселени чечүү боюнча мындан ары да байланышта болуу жөнүндө макулдашып, ошондой эле жаңыдан түптөлүп келе жаткан жемиштүү кызматташтык үчүн бири-бирине ыраазычылыгын билдиришти.

Подробнее
8 сентября 2020 г. 13:55

БШК Ананьев айыл өкмөтүндө жаңы шайлоонун датасын дайындайт

2020-жылдын 4-сентябрында Ысык-Көл облусунун Ысык-Көл районунун Ананьев айыл өкмөтүнө шайлоо болуп өттү. Бул тууралуу БШКнын маалымат бөлүмү билдирди. Көрсөтүлгөн талапкер Б. И. Курманходжоев талап кылынган добуштарды ала албагандыгына байланыштуу (6 – «макул», 11 – «каршы»), БШКнын Ысык-Көл жана Түп аймактык шайлоо комиссиялары боюнча атайын өкүлү Кыргыз Республикасынын Шайлоо жана референдум өткөрүү боюнча борбордук комиссиясына кайталап шайлоо күнүн дайындоо жөнүндө кайрылды. Шайлоо күнү КРнын БШКнын отурумунун чечими менен аныкталат.

Подробнее
8 сентября 2020 г. 13:55

БШК Facebook өкүлдөрүнө "жымжырттык күнү" саясий жарнамаларга бөгөт коюну сунуштады

Борбордук шайлоо комиссиясы Facebook компаниясынын өкүлдөрү менен онлайн режимде жолугушуу өткөрдү. Нуржан Шайлдабекова менен Facebook компаниясынын мамлекеттик саясат маселелери боюнча менеджери Кавит Канхи социалдык тармакта саясий жарнактарды жайгаштырууну талкуулады. Бардык саясий жарнамаларды тармактын жарнамалык китепканасындагы шилтеме аркылуу тапса болот. Учурда Кыргызстанга таандык 879 жарнама бар. Ал 3 737 долларга бааланган. Ичинде партиялар менен жарандардын жарнамасы үчүн каражат төккөндөр да бар. БШКнын төрайымы 3-октябрь үгүт иштери токтогон күнү социалдык жарнама жайгаштырууга бөгөт коюу мүмкүнчүлүгү тууралуу сурады. Компания азырынча мындай мүмкүнчүлүк АКШда гана болорун, эгерде Кыргызстан тарап расмий суроо жиберсе, маселе каралаарын билдирди.

Подробнее
8 сентября 2020 г. 13:55

Партиялар ортосундагы теледебаттар

Расмий үгүт өнөктүгүнүн алкагында партиялар ортосунда өтө турчу теледебаттардын күнү жана убактысы аныкталды. Бүгүн ал Коомдук биринчи каналдын эфиринде партия өкүлдөрүнүн элге кайрылуусу, тактап айтканда программасы менен тааныштыруудан башталмакчы. Шайлоочулар дээрлик бир ай бою көгүлтүр экрандан жаш талапкерлердин, айымдардын жана ошондой эле партия лидерлеринин ортосундагы дебаттарга күбө болушат. Бул жолку иш-чараларга өлкөнүн башкы каналы кандай даярдык көрдү? Партияларга Коомдук биринчи каналдан бериле турган акысыз эфирлердин биринчи бөлүгү- элге кайрылуу менен башталмакчы. Бүгүн 5 партиянын ар бирине 10 мүнөттөн убакыт бөлүнүп, партиянын шайлоо алдындагы программасын элге жеткиргенге мүмкүнчүлүк алышат. Башкы каналдан бериле турган эфир жалпы 5ке бөлүндү. Элге кайрылуу жана түз байланыш, мындан сырткары 3 бөлүктөн турган теле дебаттар өткөрүлөт. Азыркы учурда студияларда акыркы даярдыктар көрүлүп, эмгек жамаат тыным албай иштеп жаткан кези. Дебаттарды үч бөлүк менен өткөрүү бул жолку үгүт өнөктүгүнүн өзгөчөлүгү десек болот. Ар бир партияда жаштар, коомдук иштерге активдүү аралашып жүргөн айымдар бар. Алардын бардыгына өз тармактары боюнча олуттуу жана курч суроолор даярдалууда. Дебаттар - ар бир саясий партиянын дараметин баалоого жакшы мүмкүнчүлүк. Графикке ылайык, 7- сентябрдан 11-сентябрга чейин, эфирде талапкер партиялардын кайрылуусу орун алат. Ушул эле күндөрү партиялар менен 15 мүнөттөн түз байланыш уюштурулмакчы. 14-18-сентябрь жаштар теледебаты, ар бир программа 2 сааттан болот. 21инен 25ине чейин айымдардын теледебаты, ал эми 28-сентябрдан 2-октябрга чейин лидерлер дебаттарда кездешмекчи. Суроолор саясат экономикадан тартып тышкы мамилелер, маданият, социалдык тармак, дегеле коомдо кайсы талылуу маселелер болуп жатса ошол багыттардын бардыгын камтыйт. Быйыл пандемия шартында партияларга бериле турган эфирдик убакыт дагы узартылды, бул да болсо элге талапкерлер менен таанышууга ыңгайлуу шарт түзмөкчү.

Подробнее
8 сентября 2020 г. 13:57

Шайлоо-2020: БШК 15 саясий партиядан 1912 депутаттыкка талапкерди каттады. Анын 618и аялдар

Кыргыз Республикасынын Шайлоо жана референдум өткөрүү боюнча борбордук комиссиясы 2020-жылдын 4-октябрына дайындалган Кыргыз Республикасынын Жогорку Кеңешинин депутаттарын шайлоого 15 саясий партиясына катышууга уруксат берди. Бул тууралуу БШКнын басма сөз кызматы билдирди. Маалыматка ылайык, бул партиялар Жогорку Кеңештин депутаттыгына 1 миң 957 талапкерди көрсөтүшкөн, анын 45и өз арыздары боюнча тизмеден чыгарылды. Жалпысынан 1 миң 912 Кыргыз Республикасынын Жогорку Кеңешинин депутаттыгына талапкерлер катталды. 1 миң 912 талапкердин ичинен 618 же 32,32% аялдар. Партиялардын талапкерлеринин сандары боюнча маалыматтар: № Саясий партиялардын аталышы Көрсөтүлгөн талапкерлердин саны Катталган талапкерлердин саны Эркектердин саны Аялдардын саны Бардыгы келип түшкөн: 15 с/п 1957 1912 (45 тизмеден чыгарылды) 1294 (67,67%) 618 (32,32%) 1 “Афганистан согушунун ардагерлери жана ушул сыяктуу кагышууларга катышкандардын саясий партиясы” 21.08.2020-ж. 78 78 45 (57,69%) 33 (42,31%) 2 «Мекен Ынтымагы» 21.08.2020-ж. 150 149 101 (67,78%) 48 (32,21%) 3 «Ата Мекен» социалисттик партиясы 23.08.2020-ж. 150 150 100 (66,67%) 50 (33,33%) 4 “Мекенчил” 24.08.2020-ж. 138 136 92 (67,60%) 44 (31,88%) 5 «Бир Бол» мамлекеттик биримдик жана мекенчилдик партиясы 24.08.2020-ж. 109 108 68 (62,90%) 40 (37%) 6 «Ыйман Нуру» 24.08.2020-ж. 102 101 70 (69,30%) 31 (30,69%) 7 “Замандаш” 24.08.2020-ж. 156 156 107 (68,59%) 49 (31,41%) 8 Чоң Казат» 24.08.2020-ж. 82 81 57 (69,51%) 24 (30,49%) 9 «РЕФОРМА» 24.08.2020-ж. 85 84 55 (64,71%) 29 (35,29%) 10 «Республика» 24.08.2020-ж. 200 166 116 (69,88%) 50 (30,12%) 11 «Социал-демократтар» 24.08.2020-ж. 104 101 67 (66,33%) 34 (32,69%) 12 «Биримдик» (Единство) демократиялык партиясы 24.08.2020-ж. 200 200 140 (70,00%) 60 (30,00%) 13 «Мекеним Кыргызстан» 24.08.2020-ж. 200 200 140 (70,00%) 60 (30,00%) 14 “ОРДО” 24.08.2020-ж. 101 100 68 (68%) 32 (31,68%) 15 “Кыргызстан” 02.09.2020-ж. 102 102 68 (66, 66%) 34 (33,34%)

Подробнее
8 сентября 2020 г. 13:57

БШК шайлоого 25 эл аралык байкоочуну аккредитациялады. Тизме

КР Шайлоо жана референдум өткөрүү боюнча борбордук комиссиясы 7-сентябрдагы жыйынында 2020-жылдын 4-октябрында боло турган КР Жогорку Кеңешинин депутаттарын шайлоого байкоо жүргүзүү үчүн эл аралык уюмдардын 25 өкүлүн эл аралык байкоочу катары аккредитациядан өткөрүү токтомун кабыл алды. Бул тууралуу БШКнын басма сөз кызматы билдирди. Аккредитациядан өткөн эл аралык байкоочулардын тизмеси : № п/п Байкоочу өкүл болгон эл аралык уюм Аты-жөнү Өлкө Ээлеген кызматы ЕККУнун Демократиялык институттар жана адам укуктары боюнча бюросу(БДИПЧ) ХачикянНайра Армения Узак мөөнөттүү байкоочу ДИАУБ Шулянкова Ирина Беларусь Республикасы Узак мөөнөттүү байкоочу ДИАУБ Неквиндова Маркета Чехия Республикасы Узак мөөнөттүү байкоочу ДИАУБ НемецЯн Чехия Республикасы Узак мөөнөттүү байкоочу ДИАУБ БангХанна Дания Узак мөөнөттүү байкоочу ДИАУБ ТалиуриЛела Грузия Узак мөөнөттүү байкоочу ДИАУБ Рахимбеков Нурул Казакстан Республикасы Узак мөөнөттүү байкоочу ДИАУБ Бедрицкий Александр Россия Федерациясы Узак мөөнөттүү байкоочу ДИАУБ Богданова Кристина Россия Федерациясы Узак мөөнөттүү байкоочу ДИАУБ ДроноваВарвара Россия Федерациясы Узак мөөнөттүү байкоочу ДИАУБ Перевозчиков Всеволод Россия Федерациясы Узак мөөнөттүү байкоочу ДИАУБ ХеюмНиколас Швеция Узак мөөнөттүү байкоочу ДИАУБ ЯкобссонЭва Швеция Узак мөөнөттүү байкоочу ДИАУБ ПрадешВарчело Максимо Хуан Швеция Узак мөөнөттүү байкоочу ДИАУБ ВарфусМарио Швейцария Узак мөөнөттүү байкоочу ДИАУБ ГамбониниМоника Швейцария Узак мөөнөттүү байкоочу ДИАУБ МерриллАнна АКШ Узак мөөнөттүү байкоочу ДИАУБ ВилегасДаниэл АКШ Узак мөөнөттүү байкоочу Көз карандысыз Мамлекеттердин Шериктештигинин Миссиясы Гуминский Виктор Александрович Беларусь Республикасы Миссиянын башчысы, КМШ АК төрагасынын биринчи орун басары КМШ КулебаОлег Викторович Беларусь Республикасы Штаб жетекчиси, КМШ АК Кеңешчиси КМШ Варганов Денис Александрович Беларусь Республикасы КМШ АК Кеңешчиси КМШ Кремская Ольга Витальевна Беларусь Республикасы КМШ АК Кеңешчиси КМШ Юркевич Павел Сергеевич Беларусь Республикасы КМШ АК Кеңешчиси Молдова РеспубликасынынБорбордук шайлоо комиссиясы Роско Мария Молдова Республикасы Молдова БШКнын Шайлоо окутуу борборунун башкы адиси Молдова Республикасынын БШК МаковейВиорика Молдова Республикасы Молдова БШКнын Шайлоо окутуу борборунун башкы адиси

Подробнее
8 сентября 2020 г. 13:58

Сооронбай Жээнбеков: COVID-19 экинчи толкуну болбойт деген кепилдик жок

Кыргыз Республикасынын Президенти Сооронбай Жээнбеков бүгүн, 7-сентябрда, Кыргыз Республикасынын Премьер-министри Кубатбек Боронов менен онлайн кеңешме өткөрдү. Өлкөнүн учурдагы эпидемиологиялык абалы, күз-кыш мезгилине даярдыктар, ошондой эле парламенттик шайлоону өткөрүү маселелери талкууланды. Премьер-министр Кубатбек Боронов коронавирус инфекциясы пандемиясы менен күрөшүүнүн жана күз-кыш мезгилине даярдык көрүүнүн алкагында ооруканаларды куруу жана оңдоп-түзөө иштери күчөтүлгөн темпте жүрүп жатканын белгиледи. Өкмөт башчысы коомдук транспортто жана көпчүлүк учурда эрежелерди аткарбай жаткан кафе- ресторандарда санитардык талаптардын сакталышын текшерүү боюнча рейддер жүргүзүлүп жатканын билдирди. Эрежени сактабай, улам-улам буза берген кафе-ресторандарга айып пул гана эмес, жапканга чейин жоопкерчиликке тартуу сунушталды. Президент Сооронбай Жээнбеков коронавирус инфекциясынын экинчи толкуну болбошуна эч кандай кепилдик жок экенин өзгөчө белгилеп, ага байланыштуу аймактардагы ооруканалардын курулушу менен реконструкциялоо иштерине, жаңы медициналык мекемелерди жабдууга, кошумча койко-орундарды даярдоого жана дары-дармектердин запасын камсыз кылууга көңүл бурду. Мамлекет башчысы парламенттик шайлоонун алдында шайлоо тилкелерин талаптагыдай техникалык жана санитардык даярдыктар менен камсыз кылуу, шайлоо мыйзамдарынын сакталышына көзөмөлдү күчөтүү зарылдыгын баса белгиледи. Ишкерликти колдоо боюнча иштерди активдештирүүнүн маанилүүлүгүн белгилөө менен Президент Сооронбай Жээнбеков мамлекеттик органдардын ишмердигин, калкты мамлекеттик кызмат көрсөтүүлөр менен камсыз кылууну санариптештирүү боюнча иштерди күчтөндүрүүгө, салыктык жол-жоболорду фискалдаштырууну активдештирүүгө чакырды. Президенттик аппарат маалыматтык саясат бөлүмү Сүрөт www

Подробнее
8 сентября 2020 г. 13:58

Шайлоодон алынып салынган "Бүтүн Кыргызстан" партиясы митинг өткөрүүнү көздөбөйт

"Бүтүн Кыргызстан" партиясы административдик сот бүгүн саясий биримдиктин пайдасына эмес чечим чыгарса дагы, нааразычылык акцияларын уюштурууну көздөбөйт. Бул тууралуу Vesti.kg сайтына партиядан билдиришти. "Бүгүн Бишкектин административдик соту биздин партиянын ишин саат 16: 30да карайт" деп жооп берди саясий бирикменин басма сөз кызматы. - Ал жерге биздин талапкерлер жана колдоочулар келишет. Эгерде сот биздин пайдабызга эмес чечим чыгарса, анда биз Жогорку Сотко кайрылабыз. Алар бизге 48 сааттын ичинде жооп бериши керек. Бирок биз митингдерди өткөрүүнү көздөбөйбүз. Эскерте кетсек, 3-сентябрда БШКнын жумушчу тобу “Бүтүн Кыргызстан” партиясын шайлоого катышуу үчүн каттоодон баш тарткан. Саясий уюмдун чыгарылышына жумушчу топтун тогуз өкүлү добуш берди, экөө гана каршы болду. Каршы добуш бергендердин бири БШКнын мүчөсү Атыр Абдрахматова болду. Жолугушуунун жүрүшүндө ал ошол күнү саат 17: 53тө "Бүтүн Кыргызстанды" каттоодон өткөрүү боюнча чечимдин долбоору даяр болгонун, бирок тыныгуу учурунда ал өзгөртүлгөндүгүн билдирди. Абдрахматова кесиптештеринен бир сааттын ичинде эмне өзгөрүшү мүмкүн экендигин билүүгө аракет кылды. Кийинчерээк Vesti.kg сайтына берген маегинде ал кесиптештери мыйзамдарды жана БШКнын регламенттерин бузгандыгын айткан. Медина Купсулдаева Сүрөт www

Подробнее

Язык

Партии

Дата

Источники