О проекте Статистика Проверка

Статьи

7418

Все статьи

4136

Позитивные статьи

389

Негативные статьи

2893

Нейтральные статьи
12 сентября 2020 г. 0:45

Кубанычбек Кадыров: «Президент шайлоо боюнча туура позицияны тандады»

Президент шайлоо боюнча туура позицияны тандаганын «Биринчи радионун» түз эфиринде Жогорку Кеңештин экс-депутат Кубанычбек Кадыров билдирди. Мурдагы депутат президент кайсы партия келсе да иштеше тураарын, эч кимге жан тартпайм деп айтканын жалпы журт укканын айтты. Ал жакында эле Ысык-Көлгө барып келгенин айтып, ал жактан мамлекеттик кызматкерлер мурда шайлоого 3-6 ай калганда президенттин администрациясынан атайын буйрук келгендигин баса белгиледи. Буйрукта мамлекеттик кызматта иштегендерге, мугалим, токой, жада калса суу чарбасынын кызматкерлерине чейин «баланча жарандардын паспортторун чогултуп келесиң, үгүт иштерин жүргүзөсүң» деген сыяктуу тапшырмалар берилип турганын айтышканын айтты. Учурда элеттегилер ушул сыяктуу фактылар катталган жок дешти, — дейт Кадыров. Ал ошондой эле, мурда партиялардын документтери туура болбой калып, талаш чыккан учурда партияларды БШКга жолотпой коюшчу, -деп баса белгиледи. «Президенттин администрациясы сотко кийлигишпегени үчүн «Бүтүн Кыргызстан» утуп чыгып жатат. Ал нерсе президент айткан сөзүнө туруп жатканын көрсөтүүдө», — деп билдирди. Сүрөт интернеттен алынды https://www.facebook.com/watch/?v=1190670724633090&extid=lfGApAcaVn4PweQ2 Эфирде "Шакжүрүш" программасы.Шайлоодогу куру убадалар, же партиялардын жоопкерчилиги барбы? БШК менен шайлоого аттанган айрым саясий партиялар мыйзамдарды жана эреже талаптарды так сактаган жок деп соттошуу Жогорку сотко чейин жетти. Бул бир чети БШКнын айрым чечимдерине сын жаратса, кээ бир партиялардын боло берет деген кайдыгерлиги катары бааланды. Партлидерлердин “өзүм билемдиги” боюнча да сын айтылууда. Мамлекет башчы бардык саясий партияларга бирдей шарт болсун, утуп келген кайсы партия болбосун иштешүүгө даярмын деген пикирин билдирген. Мамлекеттик органдарга да ушул талапты коюп жатат. Анан калса бул жолу пандемия шартында өзгөчө тартиптеги шайлоо өтөт. Мындай учурда саясий партиялардын,талапкерлердин да жоопкерчилиги маанилүү. Өлкөнү түп-тамырынан бери кыска мөөнөттө эле өзгөртүп жиберебиз деген убадалар жаңырууда. Бул жолку шайлоо процесси кандай өтүп жатат, партиялык система, партиялык күчтөрдүн идеологиясы канааттандырабы? Уктурууга политолог Кубан Абдымен, коомдук ишмер Чолпонбек Абыкеев, ички иштер министринин мурдагы орун басары, ЖКнын мурдагы депутаты Кубанычбек Кадыров жана саясат талдоочу Табылды Акеров катышууда. Студиянын телефон номерлери 0312 39 21 90 жана комментарий калтырып, суроолор болсо жазыңыз. Posted by БИРИНЧИ РАДИО on Thursday, September 10, 2020

Подробнее
12 сентября 2020 г. 20:37

"Замандаш" партиясынын талапкерлери

Бүгүн "Замандаш" партиясынын талапкерлери Москва районунун шайлоочулары менен жолугушту. Талапкерлер эл алдында сөз сүйлөп, алардын суроолоруна жооп беришти. Сегодня в селе Беловодское кандидаты партии “Замандаш” встретились с избирателями московского района. Кандидаты выступили перед собравшимися с речами и ответили на вопросы избирателей.

Подробнее
12 сентября 2020 г. 0:45

Шайлоонун алдында 22 бузуу фактысы катталды

Башкы прокуратура парламенттик шайлоонун алдында 22 бузуу фактысын катталганын билдирди. Мекеменин маалымат кызматынан билдиришкендей, башкы көзөмөл орган шайлоо мыйзамын бузууга жол бербөө үчүн ЖМК менен интернет ресурстарга мониторинг жүргүзүүдө. Маалыматта, жалпысынан Кылмыштардын жана жоруктардын бирдиктүү реестрине 22 материал катталып, сотко чейинки өнүдүрүш башталган. Алардын 21и каралып, ички иштер органдарына тапшырылган. Жарыяланган материалдардын көбү шайлоо документтерин жасалмалоо, кыянаттык менен административдик ресурстарды колдонуу, шайлоочуларды сатып алууга байланыштуу. Башкы прокуратура ошондой эле, аткаминерлер, муниципалдык кызматкерлер, шайлоо комиссиясынын мүчөлөрү, байкоочулар, дин ишмерлери, кайрымдуулук уюмдарынын негиздөөчүлөрү менен өкүлдөрү, жашы жете электер, чет элдик жарандар үгүт иштерин жүргүзө албай турганын эскертет. «Ал эми БШКга 6-августтан 10-сентябрга чейин шайлоо тартиптерин бузуу боюнча 33 арыз билдирүү түшкөн. Алардын 18и добуш сатып алууга байланыштуу, административдик ресурсту пайдалануу боюнча 10 арыз келген. Ошондой эле, шайлоо документтерин жасалмалоо боюнча 4 факты тууралуу маалымат түшкөн» — деп айтылат билдирүүдө. Аталган арыздардын эң көбү Бишкектен жазылган — 20. Жалал-Абадда — 5, Ош шаарында — 4, Чүйдө — 2 жана Нарын менен Ысык-Көлдө бирден арыз түшкөн. Кошумчалай кетсек, БШКнын мүчөсү Атыр Абрахматова укук коргоо органдарында мыйзам бузуу фактылары көп экенин айтты. Бирок азырынча ИИМ ал тууралуу толук маалымат бере элек.

Подробнее
12 сентября 2020 г. 0:47

Алтынбек Сулайманов: Биздин программа алдыдагы 5 жылдык иштердин артыкчылыктуу багыттарын камтыган

“Биздин программа – жакынкы беш жылдыктагы иштердин артыкчылыктуу багыттарын камтыган”. Бул тууралуу бүгүн, 11-сентябрда “Бир Бол” саясий партиясынын “Жаңы форматтагы лидерлер” аттуу форумунда, партия лидери Алтынбек Сулайманов программа менен тааныштырып жатып билдирди. “Биз лидерлер, чемпиондор менен биргеликте келечекте 5 жылга карата кандай иштерди жасайбыз, кандай ийгиликтерди жаратабыз, өлкөнү өнүктүрүү үчүн кандай багытта жол алабыз деген программаны сунуштап жатабыз. “Бир Бол” партия катары жаңыланды жана ар бири өз тармагынын лидерлери болгон адамдардан түзүлдү. Алар – өз тарамагында күчүн, жаратмандыгын, ийгиликтерин көрсөткөн, билимдүү жана дүйнөдөгү эң алдыңкы университеттерде окуган, мекенине келип ийгиликтерди жарата алган жаңы жүздөр. Биздин команда бийлик бутактарына же парламентке келсе ийгиликтерди жаратып, өлкөбүздү туңгуюктан алып чыгарына ишенем”, – деди Сулайманов. Ал реформалар тез арада жасалышы керектигин кошумчалады. “Биз популисттик эмес, абдан оор жана татаал кадамдарды сунуштайбыз”, -деди партия лидери. Иш-чара Бишкектин четиндеги гольф клубда өтүп жатат. Форумдун максаты – элге партиянын программасын тааныштыруу. Анда жакынкы беш жылдыктагы иштердин артыкчылыктуу багыттары камтылган. Алар: экономикалык өнүгүү, эффективдүү мамлекеттик башкаруу, сапаттуу билим берүү жана маданиятты жогорулатуу, сапаттуу жана жеткиликтүү саламаттык сактоо кызматы, ошондой эле экологиялык коопсуздук жана жашыл экономика багыттары.

Подробнее
12 сентября 2020 г. 0:47

«Кыргызстан» партиясы бюллетенде 15-номерде

Парламенттик шайлоого аттанган саясий партиялардын добуш берүү бюллетендеги катар номерлери аныкталды. Борбордук шайлоо комиссиясында өткөн чүчүкулак кармоонун жыйынтыгы менен “Кыргызстан” партиясы шайлоого катышууга укук алган 16 партиянын ичинен 15-сапка туш келди. Биздин шайлоочулар бюллетенди алып добуш берүү үчүн кабинага кирген соң “Кыргызстан” партиясын оңой эле таба алышат. Урматтуу шайлоочулар, эгерде сиз парламентте кесипкөй жана жоопкерчилитиктүү адамдардын келишин кааласаңыз, анда “Кыргызстан” саясий партиясын тандаңыздар! Партияга энчиленген 15 номерине байланыштуу “Кыргызстан” партиясынын “ЭЛ ҮЧҮН” программасындагы негизги 15 багытты тизмектеп кетели: Чиновниктердин санын кескин кыскартабыз! Мамлекеттик текшерүүлөрдү кыскартууга шарт түзөбүз! Кен байлыктардын кирешеси – элге! Фермерлерди кооперативдерге бириктирип, айыл-чарба продукцияларынын экспорттоого басым жасайбыз Салыктарды максималдуу кыскартуу программасын иштеп чыгабыз Заманбап медицина – улуттун ден соолугунун негизи! Таштандыларды кайра иштетип жарандардын экологиялык коопсуздугун камсыз кылабыз! Турак жайга укук – ар бир жарандын ажыратылгыс укугу! “Балага сүйүнчүнү” 4 миң сомдон 50 000 сомго чейин жеткиребиз Мугалимдердин татыктуу жашоосу – биздин келечекти камсыз кылат! Калктын аялуу катмарына өзгөчө көңүл бурабыз Билим берүү жана маданият – элдин башкы баалуулугу ! ЕАЭБдеги жана ВСП+ мүмкүнчүлүктөрдү 100% пайдалануу Сөз эркиндиги – биздин демократиянын негизи Мыйзамдын үстөмдүгү бизнестин өнүгүшүнө жол ачат! “Кыргызстан” саясий партиясынын каржы маселелер боюнча ыйгарым укуктуу өкүлү Разак Шамшидин уулунун буюртмасы менен “Кыргызстан” саясий партиясынын шайлоо фондунун каражаттарынан төлөндү. Нускасы: 1 даана. (каттоо күбөлүгү №94, 06.08.2020-ж) Дареги: Бишкек шаары, Манас 115 а.

Подробнее
12 сентября 2020 г. 0:47

Мадумаров: Чет өлкөдөгү шайлоо участоктору тийиштүү жабдуулар менен өз мөөнөтүндө камсыздалышы тийиш

Алдыдагы парламенттик шайлоолорго даярдык көрүү алкагында чет өлкөдөгү шайлоо участоктору тийиштүү жабдуулар жана гигиеналык коргоочу каражаттар менен өз мөөнөтүндө камсыздалышы керек. Бул туурасында Кыргыз Республикасынын вице-премьер-министри Акрам Мадумаров Кыргыз Республикасынын Жогорку Кеңешине депутаттарды шайлоо өткөрүүдө шайлоо комиссияларына уюштуруу маселелерин чечүүдө жана материалдык-техникалык камсыздоодо көмөк көрсөтүү боюнча Республикалык штабдын жыйынында билдирди. Бул тууралуу өкмөттүн аппаратынын маалыматтык камсыздоо бөлүмү билдирет. Жыйындын жүрүшүндө Кыргыз Республикасынын Тышкы иштер министрлигинин жана Кыргыз Республикасынын Өкмөтүнө караштуу Мамлекеттик миграция кызматынын чет өлкөдөгү мекендештердин добуш берүүсү үчүн тийиштүү шарттарды камсыздоо жана биометрикалык маалыматтарды чогултуунун жүрүшү тууралуу маалыматы угулду. Белгиленгендей, чет өлкөдө 44 шайлоо участогу түзүлгөн. Аларды тийиштүү материалдык-техникалык база жана гигиеналык коргоочу каражаттар менен камсыздоо маселелери иштелип жатат. Мындан тышкары, парламенттик шайлоолорго даярдык көрүү жана аны өткөрүү учурунда коомдук укуктук тартипти камсыздоого тийиштүү маалымат угулду. Кыргыз Республикасынын Тышкы иштер министрлигинин маалыматы боюнча, тийиштүү иш-чаралар планы иштелип чыккан. «Чет өлкөдөгү мекендештердин парламенттик шайлоого катышуусу үчүн бардык зарыл шарттарды түзүү керек. Бардык уюштуруу маселелерин өз учурунда аткаруу зарыл», – деди вице-премьер-министр Акрам Мадумаров. - Advertisement -

Подробнее
15 сентября 2020 г. 0:27

Үч жарым миллионго чукул шайлоочунун тизмеси такталды

Борбордук шайлоо комиссиясы (БШК) парламенттик шайлоодо добуш берүүгө укуктуу 3 465 415 кишинин тизмесин тактады. Бул тууралуу 14-сентябрда расмий кабарланды. 2015-жылдагы парламенттик шайлоодо добуш берүүчүлөрдүн саны 2 761 297 киши болгон. 2017-жылдагы президенттик шайлоодо 3 025 770 шайлоочу катталган. Кыргызстандын 120 орундуу Жогорку Кеңешин шайлоо 4-октябрда өтөт. Ага 16 партия катышат. (SE)

Подробнее
12 сентября 2020 г. 0:48

Шайлоо бүткөн соң азык-түлүккө баа көтөрүлөбү же Чодуев кызматынан кетеби?

Алдамчылыгы менен аты Ала-Тоого угулуп, кээ бирөөнөн бир жарым миллион доллар алып төлөбөй жүргөн Чодуев тууралуу сөз болмокчу. Өзүнүн башындагы чөптү көрбөгөн адамдар же ашынган сынчы, же Чодуевдей ырчы болуп калышат экен. Бир кездеги тияк-бияктан жулуп чогулткан акчалар Чодуевди безге сайып тынчтык бербей жатабы? Атамбаев учурунда Чодуевдин бийик кызматтарга жетишинин себеби каякта? Эл билбейт дейт көрүнөт. Эл баарын байкап, билип турат. Андан да бир кызык нерсе, Чодуев Жалал-Абад обулусунда пахта иштетем деп бир жарым миллион долларды эмне себептен жеп койду эле? Көрсө, Чодуев Жалал-Абаддагы өзүн-өзү билип, өтүгүн төргө иле баштаган экен. Эшикти жапса тешиктен, тешикти бүтөсө эшиктен, баарын чүмбөттөп салса түндүктөн түшчү Чодуев не себептен мынчалык жигердүү болуп калган. Бирөөнүн таза эмгегин жеген адамдар каргышка калышат дешет. Аттиң, бети калың мындай мырзаларга эч нерсе таасир этпейт го. Айыл чарба министри Эркинбек Чодуевдин чоту тескери иштегенинен, азыркы учурда азык –түлүк эсеп –чотсуз өсө баштады. Араванда капуста 1 сомго да бааланбай акыр-чикирге ташталып жатса, башка жерлерде капустадан көзү өткөндөр толтура. Капустаны деле көчөнүн башына алып барып элге таратып койсо жакшы болмок. Азыр ар бирибиз эл үчүн жашап, эл үчүн иштешибиз керек. Эмне үчүн дыйкандын эмгеги бааланбай жатат? Айыл чарба министри Эркинбек Чодуев баш болуп Жер -Энеге мээрим төгүп, асыроону биринчи ойлобостон эгин эгип, көчөт отургузаарда пайда табууну көздөйт. Эми акча, байлык, бийлик да парламенттик шайлоого байланыштуу болуп калды. Муну туура түшүнгөн Айыл чарба министри Эркинбек Чодуев башын ары –бери буруп партия издөөдө. Элди ким ойлойт? Азизбек КЕЛДИБЕКОВ, NazarNews.kg

Подробнее
12 сентября 2020 г. 0:52

“Мекенчил” Талас районунда. К. Ташиев: “Соттор бийликтен эмес, элден корко тургандай системаны киргизмейин акыйкаттуулук орнобойт”

Бишкек, "Саясат. kg". "Мекенчил" партиясы Талас районуна барды. Соттордун көз карандысыздыгына жетмейинче өлкөдө акыйкаттуулук орнобойт. Бул тууралуу “Мекенчил” саясий партиясынын лидери Камчыбек Ташиев Талас районунун шайлоочулары менен жолугушууда билдирди. “Биз Кудай буйруп парламентке барып калсак, бир катар мыйзам долбоорлорун ишке ашырууга бардык далалатыбызды жумшайбыз. Алардын бири – соттордун көз карандысыздыгы боюнча. Акыйкаттуулукка сот системасын өзгөртүү менен гана жетише алабыз. Ар бир келген бийлик “бизде сот эркиндиги” бар дейт. Бирок ал сөз жүзүндө гана, чынында бийликтегилер соттордун көз карандысыз болушун каалабайт, анткени өздөрүнө ылайыктуу чечим чыгартып туруулары керек. Карапайым элдин балдары кылмыш жасаса камалат, а бирок аткаминерлердин балдары кылмыш жасаса да мыйзам жоопкерчилигине тартылбайт, ал турмак бир күн да абакка отургузулбайт. Ошондуктан сотторду акыйкаттуулукка баштоонун бирден бир механизми – тандоону элдин колуна берүү. Жергиликтүү, райондук жана шаардык сотторду эл өзү шайлашы керек. Ал эми жогорку сотту парламент дайындайт. Президенттин сотторго байланышы болбошу керек. Ошондо ар бир сот чечим чыгараардын алдында элден чоочулайт, мыйзам негизинде акыйкат чечим чыгарууга ыктайт. Сот президент, министр, дагы башка бийликчилдерден эмес, бир гана элден, мыйзамдан коркушу керек”, - деди Камчыбек Ташиев. "Мекенчил" саясий партиясынын шайлоо фондунан каржыланды

Подробнее
12 сентября 2020 г. 0:52

(Фото) “Мекенчил” Талас шаарында. К. Ташиев: “Алтын кендери мектеп куруп койсо ыраазы болуп отуруп калбай, тапканынын 30 пайызын мамлекетке беришин талап кылабыз!”

Бишкек, "Саясат. kg". "Мекенчил" партиясы Талас шаарында. Кыргызстан кен-байлыктарын өз кызыкчылыгына колдонуунун жолун билиши керек. Бул тууралуу “Мекенчил” саясий партиясынын лидери Камчыбек Ташиев бүгүн, 11-сентябрда Талас шаарынын шайлоочулары менен жолугушууда билдирди. “Тоо-кен байлыктары боюнча жаңы мыйзам кабыл алышыбыз керек. Инвесторлорду кууп чыгабыз, жол тосуп, ишмердүүлүгүн токтотууну талап кылабыз демейдин кереги жок. Биз жөн гана парламентке барганда көпчүлүк депутаттар болуп бул жааттагы мыйзам кабыл алып, анын иштешин көзөмөлдөйбүз. Анын негизинде Кыргызстанда өндүрүлгөн кен байлыктардын 30 пайызы өлкөдө калат. Кыргызстан эки-үч жылда бутуна турат. Таластагы “Жерүй” алтын кени тууралуу да айтайын, мен инвесторлорду айыптай албайм. Алар бекер деле ала беришет. Мейли, кенди 100 миң гана долларга сатып алышыптыр, “Бакыбат Талас” деген фонд ачык аймакка жардам берип жатат. Бирок буга канааттанбашыбыз керек. Булар тапкан 100 сомунун 50 тыйынын гана бизге берип жатышат. Бир бала бакчаны оңдоду, бир мектепти курду, бир көчөгө асфальт төшөдү деп ыраазы болуп отура бербей, өндүрүлгөн продукциянын 30 пайызын талап кылышыбыз керек”, -деди Камчыбек Ташиев. “Мекенчил” саясий партиясынын шайлоо фондунан каржыланды

Подробнее
12 сентября 2020 г. 0:54

Күндүн ыргагы: Шайлоодо форма 2 чыр-чатактарды жаратуусу мүмкүн…

№2 ФОРМА ЧЫР ЧАТАКТАРДЫ ЖАРАТУУСУ МҮМКҮНБүгүн, 11-сентябрда Борбор калаада жайгашкан шайлоо участкаларга текшерүү жүргүзүлдү. Рейд учурунда 5 участка текшерилип, үчөөнүн мыйзам бузганы аныкталды. Алар кандай эрежелерди бузушкан кененирээк алдыдагы материалда.ҮГҮТ ИШТЕРИНЕН КЕЛИП ЧЫККАН ШАКАБАЛАРҮгүт иштери башталышы менен шайлоого аттанган партиялар өздөрү тууралуу маалымат берүүгө билек түрө киришишти. Үгүт ишинен улам шакабага алынгандар да болду. Кененирээк кийинки материалда.КОРОНАВИРУС: АКЫРКЫ АБАЛКыргызстанда акыркы сутка ичинде COVID-19 илдетинен каза болгондор катталган жок. Ошол эле учурда вирустун 77 жаңы учуру катталды. Бул тууралуу өкмөт үйүндө өткөн бирифингде коомдук саламаттыкты сактоо башкармалыгынын башчысы Айнура Акматова билдирди.900 МИҢ АДАМ САСЫК ТУМООГО КАРШЫ ЭМДЕЛЕТКыргызстанда 900 миңден ашык адам сасык тумоого каршы эмделет. Бул тууралуу өкмөт үйүндөгү маалымат жыйында Оорулардын алдын алуу жана мамлекеттик санитардык-эпидемиологиялык көзөмөл департаментинин директору Абдыкадыр Жороев билдирди.УКМК ПАРА МЕНЕН КАРМАЛГАН КЫЗМАТКЕРИН ИШТЕН АЛДЫУКМКнын пара менен кармалган кызматкери иштен бошотулду. Мекеменин маалымат кызматы кабарлагандай,  УКМКнын өздүк коопсуздук кызматы улуттук коопсуздук органдарынын кызматкерине карата жүргүзгөн кызматтык иликтөөнү аяктады.ЭЛЕКТР ЭНЕРГИЯСЫНА МИЛЛИОНДОП КАРЫЗ БОЛГОН ИШКАНАЛАРАбоненттерден “Түндүк электр” ишканасына төлөнө элек карызынын жалпы суммасы 500 миллион сомду түзду. Эгерде карыздар 14-сентябрга чейин төлөнбөсө, ишканалардын жарыгы өчүрүлөт.

Подробнее
15 сентября 2020 г. 0:20

Данияр Абдыкаров: Мыйзамсыз баңгизатка көзөмөлдү күчөтөм

Абдыкаров Данияр Сатарбаевич 1975-жылы Ош шаарында төрөлгөн. Жогорку билимдүү. 1992-жылдан бери Ички иштер башкармалыгында иштеп келет. Алсак, ал 1994-1998 — Бишкек ШИИБдин кызматкери, 1998-2001 — ИИМдин Кылмыш иликтөө башкы башкармалыгынын кызматкери, 2001-2016 — ИИМдин бир канча башкармалыктарында эмгектенген. 2016-жылдан бери Ички иштер министринин орун басары болуп иштеп келет. — Данияр Сатарбаевич, эмне үчүн башка партия менен эмес, ушул партия менен Жогорку Кеңешке талапкер болуу чечимин кабыл алдыңыз? — Бул партияны тандаганыма анын программасы себеп болду. Анда менин көкүрөгүмдү өйүп жүргөн маселелердин баары жалпак, жеткиликтүү тил менен жазылыптыр. Атүгүл аны чечүүнүн жолу да сунушталыптыр. Жаңыланууга багыт алган, маселени жаңыча көз караш менен караган жаңы дем менен жазылып, башка партиялардыкынан дээрлик өзгөчөлөнүп, артыкчылыктарга бай экен. Окуп, талдап көргөндөн кийин жүрөгүмдө — «Мекеним Кыргызстан» Кыргызстанды өнүктүрө турган партия деген ишеним пайда болду. Ошон үчүн партиянын мүчөсү болуп катталып, Жогорку Кеңешке талапкер болуу чечимин кабыл алдым. — Партиянын программасын мактап калдыӊыз. Сизди кайсыл багыттары ынандырып, ишенимиңизди пайда кылды? — Бардык эле багыттары ынандырды. Кыска, нуска, баса белгилей кетсем, мамлекетти кризистен чыгаруу, билимди өркүндөтүү, саламаттыкты сактоо тармагындагы катачылыктарды жоюу, маданиятты көтөрүү, үйсүз үй-бүлөлөрдү үйлүү кылуу, ишкерликти, элетти өнүктүрүү, бизнес каттоону жөнөкөйлөтүү, интернетти ар бир адамга жеткиликтүү кылуу, адам укугун коргоо деги койчу мамлекеттин абалын жакшыртуу боюнча толгон-токой негиздүү сунуштар жазылыптыр. Мына ушул багыттардын баары мени кайдыгер калтырган жок. Ишенимимди ого бетер күчөттү. — Демек, сиздердин партия мамлекетибизди алдыга сүрөп, элибизди жаркын жашоодо жашашына шарт түзөт экен да. Ишенсек болобу? — Албетте! Биздин партия мамлекетибизди алдыга сүрөп, элибиздин жаркын жашоодо жашашына шарт түзөт деген ишеним менде зор. Биздин партиянын программасы кагаз жүзүндө калбайт, буюрса ишке ашат деген ойдомун. Келечекте «Мекеним Кыргызстан» партиясы мекенди сөз менен эмес, иш менен сүйөрүн далилдейт. Биз ийгиликке жетсек, мамлекетибиз да жеңишке жетет. — Эгерде депутат болуп калсаңыз, кайсыл тармакка маани бересиз жана кандай маселелерди көтөрүүнү пландап жатасыз? — Эми жүрөгүмдү өйүп жүргөн маселелер өтө эле арбын. Кудай буйруп, згер депутат болуп калсам, анда биринчи зомбулукка кабылган өспүрүмдөрдүн укугун коргоону колго алмакмын. Анткени, каражат табуунун азабынан мигрант болуп кеткендер көп. Алардын көпчүлүгүнүн балдары туугандарынын колунда калып, зомбулукка кабылып, укуктары корголбой жатат. Кыргыздын келечеги болгон өспүрүмдөрдү коргоп, тийиштүү жардамымды бергим келет. Ошондой эле Кыргызстан аркылуу Афганистан, Тажикстанга мыйзамсыз баңгизаттар өтүп, Европага чейин чыгат. Мына ошол жагын да көзөмөлдү күчөткөн мыйзамдарды жазсам деген ниетим бар. Анткени, ал жерде уюшкан кылмыштуу топтор түрдүү иштер менен алек болуп жүрүшөт. Ал тармакты да көзөмөлгө алып, мыйзамсыз иштерге бөгөт коюп, чек араны күчөтүлгөн тартипте иштетип, мыйзамсыз баңгизатты жүгүртүүнү токтотушубуз керек. Болбосо анын кесепети да тийип калышы ыктымал. Мына ушундай асыл ой, ак тилектерди ишке ашырып, эл үчүн, мекенибиз үчүн кызмат кылып, мамлекет үчүн пайдалуу иштерди жасагым келет. Урматтуу мекендештер, 4-октябрь күнү жүрөгүңүздөрдү тыңшап, туура тандоо кылыңыздар. Эл үчүн, мекен үчүн кызмат кыла турган партияга добушуңуздарды бериңиздер. «Мекеним Кыргызстан» № 4. *** Буюртма каржы маселелери боюнча ыйгарым укуктуу өкүл Джайчиева Гулбарчин Эр Турсуновна тарабынан «Мекеним Кыргызстан» партиясынын атайын шайлоо фондунун эсебинен каржыланды. Юридикалык дареги: Кыргыз Республикасы, Бишкек шаары. Турусбеков көчөсү, 109/1. 510-кабинет.

Подробнее
12 сентября 2020 г. 0:55

Акрам Мадумаров: Чет өлкөдөгү шайлоо участоктору тийиштүү жабдуулар менен өз мөөнөтүндө камсыздалышы тийиш

Алдыдагы парламенттик щайлоолорго даярдык көрүү алкагында чет өлкөдөгү шайлоо участоктору тийиштүү жабдуулар жана гигиеналык коргоочу каражаттар менен өз мөөнөтүндө камсыздалышы керек. Бул туурасында вице-премьер-министр Акрам Мадумаров Жогорку Кеңешке депутаттарды шайлоо өткөрүүдө шайлоо комиссияларына уюштуруу маселелерин чечүүдө жана материалдык-техникалык камсыздоодо көмөк көрсөтүү боюнча Республикалык штабдын жыйынында билдирди. Жыйындын жүрүшүндө Тышкы иштер министрлигинин жана Өкмөткө караштуу Мамлекеттик миграция кызматынын чет өлкөдөгү мекендештердин добуш берүүсү үчүн тийиштүү шарттарды камсыздоо жана биометрикалык маалыматтарды чогултуунун жүрүшү тууралуу маалыматы угулду. Белгиленгендей, чет өлкөдө 44 шайлоо участогу түзүлгөн. Аларды тийиштүү материалдык-техникалык база жана гигиеналык коргоочу каражаттар менен камсыздоо маселелери иштелип жатат. Мындан тышкары, парламенттик шайлоолорго даярдык көрүү жана аны өткөрүү учурунда коомдук укуктук тартипти камсыздоого тийиштүү маалымат угулду. Кыргыз Республикасынын Тышкы иштер министрлигинин маалыматы боюнча, тийиштүү иш-чаралар планы иштелип чыккан. «Чет өлкөдөгү мекендештердин парламенттик шайлоого катышуусу үчүн бардык зарыл шарттарды түзүү керек. Бардык уюштуруу маселелерин өз учурунда аткаруу зарыл», – деди вице-премьер-министр Акрам Мадумаров.

Подробнее
12 сентября 2020 г. 0:58

Шайлоо 2020. Прокуратура ЖМКларда жана социалдык тармактарда жарыяланган материалдарды текшере баштады

Башкы прокуратура социалдык тармактардагы жана жалпыга маалымдоо каражаттарындагы жарыялоолорду көзөмөлдөп, шайлоо мыйзамдарынын бузулушун аныктайт. Бул тууралуу аталган башкармалыктын басма сөз кызматы билдирди. Маалыматка караганда, бир катар мыйзам бузуулар боюнча сотко чейинки өндүрүш иштери козголуп, тергөө амалдары жүрүп жатат. «Мисалы, Ош облусунун Кара-Суу районунун тургундарынын 5 миң сомдук добушка пара алуу жөнүндө сүйлөшүүсү Facebook социалдык тармагында пайда болду. Учурда бул иш боюнча тергөө иш-чаралары жүрүп жатат. Ошондой эле социалдык тармактарда пайда болгон Бишкек шаарындагы медициналык мекеменин кызматкерлеринин паспортторун чогултуу боюнча маалыматтар текшерилип жатат », — деп айтылат маалыматта. Милицияга «Жалпы иш» коомдук фондунун өкүлдөрү кайрылышып, №64 гимназия мектебинин директору мугалимдерди окуучулардын ата-энелеринен жеке маалыматтарды чогултууга жана аларды участкалык шайлоо комиссиясынын катчысына өткөрүп берүүгө мажбурлап жатышат деп айтышкан. Учурда бул иш боюнча тергөө амалдары жүрүп жатат.

Подробнее
12 сентября 2020 г. 0:58

«Мандемдүү» экс-министрлер Сулайманов, Малабаев «Кыргызстандан» депутаттыкка аттанышты?

«Кыргызстан» партиясы бийликтин кол жоолугу катары парламентке келүүнү максат кылган партиялардын бири катары коомго белгилүү болду. Бийликчил партия экенин документтерин өз убагында тапшырбаган эреже бузганы үчүн БШК каттабай койсо, мыйзамды буйлаланган төөгө айлантып соттон утту кылып зордоп каттатышты. Эми бул жагы кызылдай эле өкүм зордук болгонуна баарыбыз күбө болдук. Эми маселенин экинчи жагын карасак, «Кыргызстан» партиясынын тизмесинде кимдер бар деген суроо жаралат. Түз айтканда, Кудайдан жөө качкандар тобу менен ушул партияда келе жатышат. Мына кылмыш иши козголуп чет өлкөдө качып жүрүп, бийлик менен ымалашып мандемдүү иштерин жең ичинен бүтүрүп, «Кимди ким көрдү, Быржыбайды там басты» кылган мурдагы Транспорт министри Нурлан Сулайманов менен Балыкчы-Корумду жолундагы коррупциялык схемадан улам кылмыш иши козголуп, ишинен кеткен мурдагы Транспорт министри Аргынбек Малабаев «Кыргызстан» партиясынын тизмесинде кошоктошуп чогуу келе жатышат. Булар эмне бирде министр, бирде депутат болуп, шектүү иштерге аралашып эл тагдырын калчай беришеби? Жетишет. Эл эсине келип, буларды эс алгыла дечү учур келди.

Подробнее

Язык

Партии

Дата

Источники