О проекте Статистика Проверка

Статьи

7418

Все статьи

4136

Позитивные статьи

389

Негативные статьи

2893

Нейтральные статьи
21 сентября 2020 г. 0:02

Минск шаарында «Акыйкаттык жүрүшү» өтүп жатат

20-сентябрда Беларустун Минск шаарында кезектеги ири акция өтүп жатат. «Акыйкаттык жүрүшү» деп аталган акцияны айрым чет өлкөдөгү Беларус жарандары да колдоп чыкты. Мунун алдында 19-сентябрда Минскиде аялдардын тилектештик маршы өткөн. Анда ОМОНдор жүздөгөн адамдарды кармап кеткен. Беларустун Ички иштер министрлиги өткөн күнкү акцияда 430 адам кармалганын кабарлады. Мекеме алардын ичинен 385и 20-сентябрда кайра коё берилгенин билдирди. Аялдардын тилектештик маршына чыккандар кармала баштаганда оппозициячыл NEXTA телеграм-каналы ИИМдин 1003 кызматкери тууралуу маалыматтарды жарыялады. Каналдын авторлору алар демонстранттарды кармоого катышканын, NEXTAда ИИМдин кызматкерлери тууралуу маалымат базасы бар экенин жазды. Беларустун Ички иштер министрлиги 20-сентябрда күч кызматкерлерине тиешелүү маалыматтар ким тарабынан берилгени иликтене баштаганын билдирди. Беларуста 9-августта президенттик шайлоо өтүп, анда Александр Лукашенко жеңүүчү деп табылган. Добуш берүүнүн жыйынтыгын тааныбай, Лукашенконун кызматтан кетишин талап кылган элдин демонстрациялары ошондон бери токтобой келатат.

Подробнее
21 сентября 2020 г. 0:02

Депутат Сурабалдиева Аскер прокуратурасына суракка чакырылганын билдирди

Жогорку Кеңештин депутаты, парламенттик шайлоого «Ата Мекен» партиясынан талапкер Элвира Сурабалдиева Аскер прокуратурасына суракка чакырылды. Бул маалыматты «Азаттыкка» ал өзү ырастады. Анын сөзү боюнча, 17-сентябрда өзүн «Аскер прокуратурасынын тергөөчүсүмүн» деп тааныштырган Бектур Калиев деген адам телефон чалып күбө катары суракка келүүнү өтүнгөн. Бирок расмий чакыруу келген эмес. «Эмне иш боюнча чакырып жатканын тактаган жокмун. «Мен үгүт иштери менен аймактарда жүрөм, суракка бара албайм» десем, «Бишкекке келериңиз менен чалып коюңуз» деди. Бишкекке келгенден кийин юристтер менен сүйлөшсөм мен талапкер болгондуктан 4-октябрга чейин тергөө иштерине барбай коюуга мыйзам жол берет экен». Элвира Сурабалдиева буга чейин кайсы бир иш боюнча суракка чакырылбаганын кошумчалады. Бектур Калиев «Азаттыкка» Аскер прокуратурасынын тергөөчүсү экенин айтып, бирок комментарий бере албасын билдирди жана иш боюнча басма сөз кызматына кайрылууну сунуштады. Башкы прокуратуранын басма сөз кызматы бул окуяга байланыштуу маалыматты дүйшөмбү күнү тактап бермей болду. Шайлоого талапкер болуп катталган адам кылмыш жасаган жеринде кармалган учурларды кошпогондо, шайлоонун жыйынтыгы чыкканча Борбордук шайлоо комиссиясынын (БШК) макулдугусуз сот жообуна тартылышы, кармалышы, камакка алынышы мүмкүн эмес. Мындай талап «Кыргыз Республикасынын президентин жана Кыргыз Республикасынын Жогорку Кеңешинин депутаттарын шайлоо жөнүндө» мыйзамда жазылган. Жогорку Кеңештеги КСДП фракциясынын депутаты Элвира Сурабалдиева күзүндө өтчү парламенттик шайлоого «Ата Мекен» партиясынан төртүнчү тизмеде баратат. Жогорку Кеңештин VII чакырылышына депутаттарды шайлоо 4-октябрда өтөт. Парламенттеги 120 орунга 16 саясий партия ат салышууда. (BTo)

Подробнее
21 сентября 2020 г. 0:02

Минскидеги аялдар маршында жүздөгөн адамдар кармалды

Беларустун Борбору Минск шаарында 19-сентябрда аялдардын тилектештик маршында ОМОНдор жүздөгөн адамдарды кармады. Автозактарда аларды киргизүүгө орун да калбай калды. Ак-кызыл-ак түстүү желек, SOS деген жазуусу бар плакаттарды көтөргөн демонстранттар колонна болуп басышты. Алар «Журналисттерге рахмат», «Биз ишенебиз, биз жасайбыз, биз жеңебиз» деп ураан чакырышты. «Азаттыктын» беларус кызматы маршка чыккандар миңден кем болбогонун кабарлады. Жолдон аларды айдоочулар да колдоп турушту. ОМОНдор аларды «Айсберг» деген соода борборунун жанынан кармап, автозактарга сала башташкан. «Весна» укук коргоо уюму кармалгандардын ичинен 160 аялдын аты-жөнүн жарыялады. Беларус оппозициясынын лидери Светлана Тихановская өлкөнүн Ички иштер министрлигин кармалгандарды коё берүүгө чакырды. Акцияга чыккандар кармала баштаганда оппозициячыл NEXTA телеграм-каналы күч органдарынын 1000 кызматкеринин аты-жөнүн жарыялады. Каналдын авторлору алардын колунда ИИМдин кызматкерлери тууралуу маалымат базасы бар экенин билдирди. Беларуста 9-августта президенттик шайлоо өтүп, анда Александр Лукашенко жеңүүчү деп табылган. Добуш берүүнүн жыйынтыгын тааныбай, Лукашенконун кызматтан кетишин талап кылган элдин демонстрациялары ошондон бери токтобой келатат.

Подробнее
21 сентября 2020 г. 0:03

«Добушуң үчүн алган акча аш болбойт»

“Азаттык” шайлоого байланыштуу элден түшкөн кайрылууларды сунуш кылат. Ош шаарынын Актилек кичи районунун тургуну Женишбек уулу Куралбек ал жашаган райондо партиялардын бирине добуш берүүгө үгүт кызуу жүрүп жатканын айтууда. Куралбек өз окуясы менен бөлүшүп, башкаларды добушун сатпоого чакырды: «Ош шаарындагы Актилек районунда домком «Биримдик» партиясына добуш бергиле деп паспорт чогултуп жүрөт. Ал добуш үчүн 1000-2000 сом акча төлөп беребиз деп айтты. Биздин райондо тургундар абдан көп. Айрымдары менен сүйлөшсөм «акчасын алып, добушту каалаган партияга беребиз» дешти. Бирок, мен аябай жаман болдум. Биз беш жылда бир жолу ушинтип эле сатылып кетебизби? Ошол миң сомго кантип тамак жеп, кийим киет? Кантип ошол акчаны уялбай кем каржысына жумшайт? Мен баарына айтаар элем: добушуңарды сатпагыла, алданбагыла». Добуш сатып алуу №2 формасы менен ишке ашып жатканы айтылып келет. Өзүнө бөлүнгөн аймактан көп добуш алууну көздөгөн партиялардын талапкерлери бул документтин жардамы менен өзүнө ыңгайлуу шайлоо тилкесине элди каттатып жатат. Кээ бир партиялар добуш алуу максатында жолдорду жасап, кээ бир аймактарга жарык, суу киргизүүгө убада берип жатканы байкалууда. Ош шаарынын Татар айылынын тургуну Кубанычбек уулу Адилет шайлоого аттанган партиялардын бири айылында свет өткөрүп, футбол талаасын салып берүүгө чоң өлчөмдө каражат бөлгөнүн айтууда: «"Кыргызстан" саясий партиясы азыр футбол талаасын куруп жатат. Алар 250 добушка 1 млн. акча бөлүп жатат. Акчасын бөлүп берип, курулуш иштери жүрүүдө. Негизи анын курулганы жакшы, бирок бул ачык эле добуш сатып алуу болуп жатат. Азыр 250 адам №2 форманы толтуруп коюшуптур. Шайлоо күнү биз ар бириңерди көзөмөлдөйбүз дешти». №2 форма - жарандардын шайлоо дарегин өзгөртүү тууралуу арызы. Бул ички миграцияны жана шайлоочунун укугун эске алуу менен киргизилген. Буга чейин шайлоо өнөктүгүнүн жүрүшүндө добуштарды сатып алуу жана шайлоочулардын дарегин өзгөртүү максатында жарандардын паспортторун чогултуу фактылары боюнча арыздар түшүп жатканын БШК да ырастаган. Шайлоо мыйзамдарына ылайык, добуш сатып алуу же сатуу үчүн жоопкерчилик каралган. Жазык кодексинин 192-беренеси боюнча добуш сатып алган адамга 220 миңден 260 миң сомго чейин айып салынат же болбосо ал 2,5 жылга эркинен ажырайт. Добушун саткан адамга да ушундай эле жаза каралган. Ош шаарынын тургуну, мамлекеттик кызматта иштеген ​Сайпидин кызы Мээрим аны жана кесиптештерин №2 формасын мажбурлап толтуртканын кабарлады: «Алар бизге "«Биримдик» бийликтин партиясы, баары бир бийликке келет, ошондуктан №2 формасын толтургула" деди. Биз баарыбыз шаардагы бала бакчанын бирине барып толтурдук. Барсак кезек узун экен. Бизди кезексиз киргизип, кайра арткы эшиктен чыгарып кетишти. Эми "башка партияга добуш берсек болобу?" деп ойлонуп жатабыз». Парламенттик шайлоодо добуш берүү үчүн №2 форма менен катталган шайлоочулардын саны расмий маалымат боюнча 315 000ге жетти. Өлкөдө айрым участоктордо бул форма менен катталгандардын саны көп болгондуктан толуп калганы айтылууда. Шайлоо мыйзамдарына ылайык, ар бир добуш берүүчү тилкеде шайлоочулардын саны 2500дөн ашпашы керек. Жалал-Абад облусунун Токтогул районуна караштуу Саргата айылынын тургуну Айтилек Самтырова үгүт иштериндеги байкоолору менен бөлүштү. «Менин атама «Мекеним Кыргызстан» партиясынан сунуш түштү. Ага "15 киши таап берсең дароо 10 миң беребиз" дешти. Атам макул болгон жок. Курбу кызым болсо да ушул эле партияга агитатор болуп иштеп жатат. Мен ушуларды көрүп алып аябай жаман болдум. Биз кантип өнүгөбүз? Эгер ушундай боло берсе, андан келечегибиз кандай болот? Курбумду тыйсам, ал мага "жок дегенде шайлоодо иштеп алалы" деп жооп берди. Атам мыйзамсыз ишке аралашпайм деп баш тартты». Ал эми Бишкектеги Ала-Тоо жаңы конушунун тургуну Гүлнара ижарага алынган батирде жашайт. Ал аз күн мурун партиялардын бирине добуш берүүгө макул болуп, ал үчүн 1000 сом алганын, ошондон бери сарсанаа болуп жатканын айтты: «Квартиранттарга келип, форма №2 толтургула дегенде мен бир чети эч нерсе оюмда жок эле сүйүнгөм. Себеби, биздин каттообуз айылда. Ал жакка качан барып, добуш берип келем деп ойлонуп жаткан элем. Бирок, алар добушту ушул партияга бересиңер деп 1000 сом беришти. Ошол күндөн бери аябай жаман болуп жатам. Мен ошентип добушумду сатып саламбы? Эми кантип, кимге добуш берем деп отурам». Балыкчы шаарынын тургуну Жанара Мелдешбекова кебин бул шайлоодо «баарына каршы добуш берем» деп баштады. Ал буга партиялардын үгүт иштери, акча сунуштап жатканы таасир тийгизгенин айтууда: «Интернетте добуш сатуу тууралуу уккан уу-дуу кептерге мурда ишенген эмесмин. Бул жолку шайлоодо өзүм күбө болуп, таң калып отурам. Шайлоо башталганда эле көчө башчы келди. Алар бизге «Мекеним Кыргызстан» партиясына добуш бересиңер, биз силерге жолуңарга шагыл төгөбүз дешти. Алар баарыбыздын паспортубузду сүрөткө тартып алышты. Андан көп өтпөй Ак-Ордодо жашаган туугандарым чалып, алар да паспортумду сурашты. «Мекеним Кыргызстан» 1000 сомдон таратып жатат деп айтышты. Андан бир нече күндөн кийин эми «Кыргызстан» партиясына иштеп жаткандар кайрыла баштады. Алар мени Балыкчыга барып келели, добушуңду берип койчу, акча беребиз деп убада кылышты. Мен ушулардын кийин ушунчалык ирээнжип отурам. Азыр эми «баарына каршы добуш» берем деп отурам». Жалал-Абад облустук мамлекеттик окуу жайынын студенти Мээрим жаштарга кайрылып, бул жолку шайлоодо студенттерди жана мугалимдерди добушун сатпоого чакырды: «Биздин окуу жайдагы мугалимдер №2 формасын толтургула дешти. Студенттердин көбү барышты. Себеби, баарыбыздын эле каттообуз айылда. Мен баарына каршы чыгып толтурбай койдум. Себеби, мындай болбойт да. Мугалимдер үн катпаганы менен эми сессия учурунда эмне болот деп ойлоп жатам. Бирок, ушул кырдаал мени аябай ойлондурду. Эмне үчүн студенттерди колдонуп жатышат? "Жаштар чечет, жаштар келечек" деп туруп бизди курал катары колдонуп жатышат. Мурунку муун, ата-энелерибиз деле кайдыгер карап калышыптыр. Алар эптеп акча алалы деп жатышат. Бирок, жаштар буга барбаса дейт элем. Мугалимдер, студенттер добушун сатпаса деп чакырам». «Азаттыкка» келген кайрылуулардын басымдуу бөлүгү «Биримдик» жана «Мекеним Кыргызстан» партияларын айтып жатышат. Бул эки партия тең добуш сатып алуу тууралуу дооматтарды четке кагып келет. «Мекеним Кыргызстан» партиясынын төрагасынын орун басары Канатбек Азиз мындай дейт: «Шайлоодо атаандаштык күч. Бирөө бир нерсени көрбөй калса да аны башкасы көрүп жазып чыгат. Биздин жалпы шайлоого аттанган талапкерлер андай ыкманы колдонбойт. Бирок, агитатор, "силерге иштеп берем" дегендер ушундай жолго барышы мүмкүн. Мындай нерсе бизде эле эмес, башка партияларда да учурашы мүмкүн». Ал эми «Биримдик» партиясынын басма сөз катчысы Адилет Султаналиев мындай билдирүүлөрдү партияны каралоо катары баалады: «Азыркы учурда биздин партияга ар кандай каралоо болуп жатат. Бирок, Кыргызстандагы сөз эркиндиги, шайлоонун ачык жүрүшүн эске ала турган болсок, добуш сатуу, административдик ресурс колдонуу мүмкүн эмес. Ошондуктан мен жоопкерчиликтүү түрдө «Биримдик» партиясы мындай былык иштер менен алектенбейт деп айта алам». Президент Сооронбай Жээнбеков 19-сентябрда Коомдук телерадио корпорациясынын (КТРК) «Биринчи радиосуна» кезектеги маегин берип, шайлоодо кандай гана мыйзам бузуу болбосун, анын ичинде добуш сатып алуу фактыларына чара көрүлөрүн айтты. Бирок андай мыйзамсыз иштер боюнча реалдуу фактылар жок экенин билдирди. «Тилекке каршы, биздин шайлоочуларыбыз имиш-имиш сөздү талкуулап, укук коргоо органдарына «мага добушуңду сат деди» деп кайрылган учурлар болбой жатат. Эл арасында «ушул партия ушинтип жатыптыр, бул партия сатып атыптыр» деп айтышат, ал сөздөрдү мен угуп жатам. Органдар иштеп жатат, бирок мына ушул боюнча кайрылган факт жок». Кыргызстанда бул күндөрү 4-октябрда боло турган парламенттик шайлоонун үгүт өнөктүгү расмий түрдө жүрүп жатат. 120 мандаттуу парламентке 16 саясий партиядан эки миңдей талапкер ат салышууда.

Подробнее
21 сентября 2020 г. 0:03

Жаштардын телетаймашы: Лимон, жол кире жана бийлик

Парламентке аттанган талапкерлердин дебаты уланууда. 18-сентябрда КТРКдагы телетаймашта «Ата Мекен», «Биримдик», «Бир Бол», «Бүтүн Кыргызстан», «Замандаш» жана «Чоң казат» партияларынын жаш талапкерлери элдин элегинен өтүштү. Телетаймаштарда талапкерлер бири-бирине суроо узаткан бөлүгүнө гана токтололу. Дебатта бийликтин партиясы саналган «Биримдиктин» өкүлү Акылбек Жамангуловго башка атаандаштары тарабынан эң көп суроо берилди. «Чоң казат» партиясынын талапкери Бекжан Рысмендеев «Биримдиктин» ураанын кескин сынга алды. «Евразиялык жол - бул Орусияга жагалдануу. Бирок, алар бул нерсеге көңүл бурбайт жана ишенбейт. Президенттин партиясы мандат үчүн ушуга деле макулбуз деп жатат. Эмки шайлоодо федерализация же губерния деп чыгабы?», - деди Рысмендеев. «Биримдиктин» талапкери Жамангулов Кыргызстан СССРдин тушунда гүлдөп турганын белгилеп, азыр да Евразия мамлекеттери менен тыгыз кызматташтыкта өнүгө ала турганын айтты. Ал партиянын урааны ошого байланыштуу экенин түшүндүрдү. «Демократиялык социализмди калыптандырабыз деген максатты көздөдүк. Экинчиси - евразиялык тандоо. Биздин өлкө илгертеден евразиялык мамлекеттер менен алакада болуп келген. Азыр да экономикада гана эмес, тышкы саясат, маданият жалпы карым-катнаштар кошуна мамлекеттер менен болот», - деди Жамангулов. Дебаттын шартты боюнча ар бир талапкердин суроосу жана жообу үчүн тогуз мүнөт берилген. «Чоң казат» тогуз мүнөттү өзүнө ыңгайлуу пайдаланып, партиянын талапкери Бекжан Рысмендеев каршылаштарына суроо жаадырып, өзүнүн жообу үчүн аз гана мүнөттү сактап койду. Ал талапкер Тилек Токтагазиевге кайрылып, «Ата Мекен» партиясы 29 жылдан бери парламентте жүрүп, өлкөнүн азыркы абалына жоопкер экенин айтты. Бул сынга Тилек Токтагазиев мындай жооп кайтарды: «"Ата Мекен" партиясынын акыркы чакырылышында 11 эле мүчөсү болгон. Алар Кумтөр сыяктуу маселелерде элдин кызыкчылыгы үчүн турган», - деди талапкер. «Ата Мекен» партиясынын көпчүлүк суроосу «Биримдикке» жолдонду. Партия өкүлү Тилек Токтогазиев «Биримдиктин» өкүлү Акылбек Жамангуловдун ишмердүүлүгүнөн тартып базардагы азык-түлүктүн баасынан бери сурады. Токтогазиев: - Элге жакынсыңарбы же жокпу деп сурап көрөйүн. Троллейбустун, автобустун жол акысы канча? Жамангулов: Троллейбустуку сегиз, автобустуку он сом. Токтогазиев: Туура эмес, автобустуку да сегиз сом. Жогорку сорттогу ундун баасы канча сом? Жамангулов: Жыйырма сомдун тегереги болсо керек. Токтогазиев: Туура эмес, 47 сом. Картөшкөнүн баасы канча? Жамангулов: Билбейт экенмин. Анткен менен Жамангулов атаандаш талапкерлердин партиялаштары, өкмөттүн иши, чек ара сыяктуу суроолоруна так жооп берген жок. Көпчүлүк суроого «партиянын жана өзүмдүн ишмердүүлүгүм үчүн гана жооп берем» деген жалпы сөздөр менен чектелди. Жамангулов «Ата Мекенди» 29 жылдан бери бийликте жүрүп эч нерсе кылган эмес десе, «Чоң казаттын» лидеринин декларацияда көрсөтүлбөгөн мүлкү бар экенин сындады. «Бир Бол» партиясынан талапкер катары дебатка катышкан Нурсултан Кубанов «Биримдик» партиясына бир топ суроо даярдап келгенин айтып, бирок ал партиянын жооп берүүгө убактысы калбай калганына нааразы болду. «Бирболчу» Кубанов дебаттын жүрүшүндө көп сүйлөбөй турган «Бүтүн Кыргызстан» партиясынын өкүлү Орозайым Нарматова менен бир топ кайым айтышты. Экөөнүн талашы партиянын лидери жана буга чейинки иштери жөнүндө болду. Нарматова: - Сулуу кийим кийип алып эле муну өзгөртөм дейсиңер. Эмне үчүн ЖЭБ, Кумтөр, Дача-Су, миграция маселесин «Бир Бол» партиясы көтөрүп чыккан эмесиңер? Кубанов: - Сизден эмне так иш кылдыңыз деп сурап жатам. Биз мисалы, миллиондогон инвестиция тартып, чоң отель куруп жатабыз. IT академияларды, мектептерди куруп жатабыз. Ар бирибиз өз тармагыбызда элдин жүгүн көтөрүп жүрөбүз. Айтор, дебатка көз салгандар башка телетаймаштарга салыштырмалуу бул жолку жаштардын дебаты маңыздуу болгонун белгилешүүдө. Дебатта «Ата Мекен» партиясынын өкүлү Тилек Токтогазиев казынаны кантип толтура турганын айтып жатып, стакандагы сууга лимонду сыгып көрсөткөнү Интернетте кызуу талкууга жеп таштады. Лимонду кыргыз активисттери «миллион» деген сөздү туюнтуу үчүн колдонуп келишет. Чуулгандуу журналисттик иликтөөлөрдө аты аталган мурдагы бажы кызматкеринин «Миллион» деген каймана аты бар экени белгилүү. Телетаймашка социалдык тармактын колдонуучулары ар кандай баа беришти. Бири сындаса, башкалары жаш талапкерлердин бул дебаты курч болгонун белгилешти. Журналист Кудурет Тайчабаров бул теледебат жөнүндө кенен пикирин «Фейсбуктагы» баракчасына жазды. «Жаштардын дебаты жакшы эле болду. Өтө жакшы болушуна ойлонулбаган регламент күнөөлүү болуп калды. Элдин баары бийликтин партиясына суроосу бар экенин билип туруп жеке Акылбек Жамангуловдун өзүнө суроо жаадырып, таймашты бүтүрүп салышты. «Биримдикке» «Бир Бол» менен «Бүтүн Кыргызстан» суроо бергенде сонун болмок», - деп жазды Тайчабаров. «Бирок дебатта эң эле айырмаланганы «Чоң казаттын» талапкери Бекжан Рысмендеев болду. Өзү адам суроо бергенинен эле билинет. Саясатчы болом деген адамдын суроо бере билгени андан жакшы. Рысмендеевдин берген суроолору башкаларга караганда дасыгып калган «биримдикчи» Акылбек Жамангуловду бир топ кара терге түшүрдү. Дегинкиси «Чоң казаттан» «чоң жиндини» эмес, чоң саясатчыны көрдүм», -деп жазды Sheraly Bektash аттуу колдонуучу. Жогорку Кеңештин 120 депутаттан турган VII чакырылышына депутаттарды шайлоо 4-октябрга дайындалган. Ага 16 партия ат салышууда. Шайлоо алдындагы үгүт өнөктүгү 4-сентябрда башталган.

Подробнее
21 сентября 2020 г. 0:03

Бекматов: шайлоочулардын акыркы тизмеси 27-сентябрда даяр болот

Борбордук шайлоо комиссиясынын төрагасынын орун басары Абдыжапар Бекматов добуш берүүчүлөрдүн акыркы тизмеси шайлоо күнүнө бир жума калганда жарыяланарын кабарлады. Бул 27-сентябрга туура келет. «19-сентябрда шайлоо участкаларында кабыл алынган арыздар, маалыматтар эки-үч күндө иштелип чыгат. Акыркы тизме шайлоого жети календардык күн калганда даярдалат», - деди Бекматов. Кыргызстанда жана чет өлкөлөрдө ачылган шайлоо тилкелеринде кыргызстандыктар 19-сентябрга чейин шайлоочулардын тизмесинде өзүн тактап же шайлоо участкасынын дарегин өзгөртүү боюнча арыз беришти. Адамдар бир топ жерде кишилерди идентификациялык каттоо системасы иштебей маселе жаралганын айтып арызданышты. Ушундан улам №2 форманы толтурууда кезек күткөндөр көп болгону кабарланды. Кыргызстанда 13-сентябрга карата шайлоочулардын саны үч миллион 465 миң адамды түзгөн. Алардын жарым миллионго жакыны Бишкек шаарына, 700 миңдейи Ош облусуна туура келет. Акыркы тизмеде бул сандар өзгөрүшү мүмкүн. Шайлоо мыйзамдарына ылайык, ар бир добуш берүүчү тилкеде шайлоочулардын саны 2500дөн ашпашы керек. Кошумча участокторго жарандар №2 форма деген документ менен катталышты. Жогорку Кеңештин VII чакырылышына депутаттарды шайлоо 4-октябрда өтөт. Парламенттеги 120 орунга 16 саясий партия ат салышууда. (BTo)

Подробнее
21 сентября 2020 г. 0:05

Победа "против всех" — смогут ли снова участвовать те же партии? Ответ ЦИК

Если за графу "против всех" проголосуют больше избирателей, чем за партию-победителя, будут назначены повторные выборы. Но имеют ли право принять в них участие те же партии с прежними списками?БИШКЕК, 20 сен — Sputnik. В повторных парламентских выборах, если они будут назначены из-за победы графы "против всех", смогут участвовать те же партии с теми же списками кандидатов. Об этом Sputnik Кыргызстан рассказал член Центризбиркома Кайрат Осмоналиев. Напомним, повторные выборы назначаются, если ни одна партия не преодолела избирательный порог или за графу "против всех" проголосовали больше избирателей, чем за партию-победителя. "Могут участвовать как те же партии, так и другие. Могут также быть изменены списки кандидатов. В случае назначения повторных выборов заявки будут подавать все желающие партии, потом пройдет новая регистрация списков", — пояснил Осмоналиев. Также он указал на статью 38 Конституционного закона "О выборах президента и депутатов Жогорку Кенеша", где прописаны правила, касающиеся кандидатов. В случае проведения повторных выборов кандидатами на выборные должности не могут быть вновь выдвинуты кандидаты, действия которых послужили основанием для признания выборов недействительными. Будут факты — будет наказание. Жээнбеков высказался о подкупе голосов Если решения, действия (бездействие) должностных лиц органов власти, местного самоуправления, избирательных комиссий послужили основанием для признания итогов и (или) результатов выборов недействительными, повторные выборы проводятся среди кандидатов, политических партий, принявших участие в выборах и изъявивших желание принять участие повторно. Напомним, что мы рассматривали гипотетический случай, когда повторные выборы назначаются из-за победы "против всех", а не из-за действий кандидатов или госорганов.

Подробнее
21 сентября 2020 г. 0:05

БШК: көпчүлүк “баарына каршы” добуш берсе да ушул партиялар кайра шайлоого катышат

Соңку убакта социалдык тармактарда азыркы партиялардын парламентке келишине бөгөт коюу максатында баарына каршы добуш берүүнү активдүү үгүттөгөндөр болууда.БИШКЕК, 20-сен. — Sputnik. Эгер парламенттик шайлоодо “баарына каршы” графасына добуш бергендер көп болуп чыга турган болсо кайрадан ушул эле партиялар, азыркы тизмедеги талапкерлери менен шайлоого катышат алат. Бул туурасында Sputnik Кыргызстан агенттигине Борбордук шайлоо комиссиясынын мүчөсү Кайрат Осмоналиев билдирди. Белгилей кетсек, мыйзам боюнча бир дагы партия жети пайыздык босогодон жогорку добуш ала албаса жана “баарына каршы” графасы биринчи сапка чыкса, кайрадан шайлоо өткөрүлөт. Шайлоочу кимге добуш бергенин партиялар текшере алабы? БШКнын жообу Соңку убакта социалдык тармактарда баарына каршы добуш берүүгө активдүү үгүттөгөндөр болууда. Алар эгер “баарына каршы” графасы биринчи орунга чыкса, кайра шайлоо өтүп азыркы партиялар ага катыша албай турганын айтып келишкен. “Азыркы жана башка партиялар кайрадан катышууга укуктуу болот. Ошондой эле талапкерлердин тизмесин да өзгөртө алышат. Кайра шайлоо өткөрүү дайындалганда катышууну каалаган бардык партиялар арыз жазып, кайра башынан БШКдан каттоодон өтөт”, — деди Осмоналиев. Ошондой эле ал “Президентти жана Жогорку Кеңештин депутаттарын шайлоо жөнүндө” Конституциялык мыйзамдын 38-беренесинде партияларга тиешелүү эреже жазылганын белгиледи. Ага ылайык, кайра шайлоо өткөрүлгөн учурда иш-аракеттери шайлоону жараксыз деп таануу үчүн негиз болгон талапкерлер кайрадан шайлануучу укугуна ээ боло албайт. Шайлоодо ат салышчу партиялардын талапкерлери. Толук тизме Эгерде мамлекеттик бийлик, жергиликтүү өз алдынча башкаруу органдарынын, шайлоо комиссиясынын кызматкерлеринин чечимдери шайлоонун жыйынтыгын жараксыз деп тааныса, биринчи турдагы шайлоого катышкан партиялардын баары жана башкалары катыша алат. Учурда Жогорку Кеңештин депутаты мандатын алууга 16 партия ат салышууда. Шайлоо 4-октябрга дайындалган.

Подробнее
21 сентября 2020 г. 0:06

Выборы 2020. Как прошел молодежный форум партии «Мекеним Кыргызстан» №4 (фоторепортаж)

Бишкек (АКИpress) – В Бишкеке прошел молодежный форум партии « Мекеним Кыргызстан ». Мероприятие прошло на открытой площадке в столице Кыргызстана. Молодые и перспективные кандидаты Марлен Маматалиев и Элнура Алканова презентовали программу политического объединения. Марлен Маматалиев, кандидат в депутаты от партии «Мекеним Кыргызстан»: «Можно сказать, что вся программа партии направлена на реализацию потребностей молодых. Ведь что волнует и заботит молодежь? В первую очередь, это хорошее образование и возможность найти достойную работу. Если страна будет устойчиво развиваться, то будет расти спрос на высокообразованные и компетентные кадры. И будут работать социальные лифты, позволяющие делать карьеру, например, на государственной службе не по принципу связей и денег, а исключительно благодаря своим способностям и навыкам». Элнура Алканова, кандидат в депутаты от партии «Мекеним Кыргызстан»: «Будущее страны – за новыми технологиями, за цифровизацией и зеленой экономикой. И в этих областях продвигать страну вперед должны именно молодые люди. В обществе не случайно запрос на молодежь. Народ устал от старой политической элиты. Народ хочет обновления страны, развития. И партии, у которых главное – это популизм, не смогут это дать стране. Потому что настоящие реформы – это не просто кого-то посадить, кого-то люстрировать и пообещать, что придут новые люди и все исправят. Должны прийти не просто новые, а компетентные и образованные. А вместе с ними должны прийти те, у кого они смогут учиться быть политиками и депутатами. Такая сбалансированная команда – это команда партия «Мекеним Кыргызстан». Где есть и молодость, и управленческий опыт». Партия «Мекеним Кыргызстан» №4 – партия каждого кыргызстанца! ⇳ Исполнитель: ОсОО «АКИ Кыргызстан»; адрес: г. Бишкек, ул. Московская, 189 Заказчик: ПП «Мекеним Кыргызстан» Тираж: 1 Изготовлено: «20» сентября 2020 года. Оплачено из избирательного фонда Политической партии «Мекеним Кыргызстан» уполномоченным представителем по финансовым вопросам Джайчиева Гульбарчин Эр Турсуновна (свид. № 54, от 09.07.2020 г.).

Подробнее
21 сентября 2020 г. 0:06

Выборы 2020. Партия «Кыргызстан» #15. Встречи в регионах

Бишкек (АКИpress) – Агитационный караван партии « Кыргызстан » продолжает двигаться по стране. Кандидат в депутаты Жогорку Кенеша Жыргалбек Саматов побывал в самых отдаленных селах Узгенского района Ошской области: Аюу, Кайрат, Ничке-Сай и Алтыбай. Местные жители подняли вопросы, связанные с нехваткой питьевой воды, электричеством, трансформацией земель и соцобъектов. Они также попросили пересмотреть закон, связанный с социальными выплатами. «Сейчас в правительстве решается вопрос о трансформации 180 гектаров земель именно в Узгенском районе. Думаю, что проблемы с участками будут решены, но для начала нужно завершить первый транш по чистой воде», - заявил кандидат. Саматов также отметил, что для решения этих вопросов намерены привлекать доноров. Партию «Кыргызстан» поддерживает и Нарынская область, где прошла встреча Исаева Жаныбека, кандидата в депутаты Жогорку Кенеша. Он встретился с жителями сел Баш-Кайынды и Ача-Кайынды Ат-Башинского района. В ходе встречи кандидат от партии «Кыргызстан» подробно рассказал избирателям о предвыборной программе «Эл учун», которая направлена на развитие экономики и повышение благосостояния народа. Местные жители тепло приняли кандидата в депутаты и его сторонников. Познакомившись с планами и программой партии, избиратели выразили готовность поддержать политобъединение. ⇳ Исполнитель: ОсОО «АКИ Кыргызстан»; адрес: г. Бишкек, ул. Московская, 189 Заказчик: ПП «Кыргызстан» Тираж: 1 Изготовлено: «20» сентября 2020 года. Оплачено из избирательного фонда Политической партии «Кыргызстан» уполномоченным представителем по финансовым вопросам Шамшидин уулу Разак (свид. № 94, от 06.08.2020 г.).

Подробнее
21 сентября 2020 г. 0:06

«Мекеним Кыргызстан» vs «Городские парки». Что говорят кандидат партии и глава МП

Кандидат в депутаты Жогорку Кенеша от политической партии “Мекеним Кыргызстан” Эльнура Алканова опубликовала пост в Фейсбуке про прошедший молодежный форум в парке «Адинай» в Бишкеке. « Часть народа ушла. Но половина еще ждет старта. Скоро установим генератор и все равно проведем свой молодежный форум! Партия «Мекеним Кыргызстан» официально уведомляла, и оплачивала это мероприятие. Мэрия Бишкека не подала электричество и нарушила наше конституционное право », – написала Алканова. После появился пост главы МП «Городские парки» Каличи Умуралиевой, где она написала, что Эльнура Алканова вводит людей в заблуждение. « В этом парке нет трехфазного электричества, на котором работает ваше оборудование. Мы вас подключили к электричеству. Предоставили сцену. Зачем же говорить, что мэрия срывает ваше мероприятие. Вы должны были знать, что за оборудование вы нанимаете. Со вчерашнего дня вы не можете найти оборудование для подключения к трехфазной подаче электричества. А как вы страной управлять будете? Почему-то “Республика” с этим же оборудованием провела свое мероприятие без шума и обвинений. Нечего на зеркало пенять, коли рожа крива », – пишет Умуралиева. Далее она опубликовала другой пост – уже обращение к партиям: « В парке “Адинай” трехфазного электричества нет. Мы можем предоставить вам сцену, “простое” электричество, помочь установить оборудование, убрать за вами. Приходите, проводите свои мероприятия, не забыв заключить с нами договор, подписать акт выполненных работ и оплатить в банк за услуги из избирательного фонда. Если вам не нужно устанавливать оборудование, подключаться к электричеству, вы можете прийти, посидеть на лавочках, рассказать о своих программах, убрать за собой и спокойно уйти. Только заранее дайте уведомление, что будете », – пишет глава МП.

Подробнее
21 сентября 2020 г. 0:07

Сооронбай Жээнбеков: Добуш сатуу менен коом да күрөшүү керек

«Добуш сатуу менен коом да күрөшүү керек», — Мындай пикирин президент Сооронбай Жээнбеков 19-сентябрда, Коомдук телерадиокорпорациянын «Биринчи радиосуна» берген маегинде билдирди. Маек учурунда мамлекет башчысына шайлоону калыс өткөрүү жана добуштарды сатып алууга бөгөт коюунун шарттары тууралуу суроо берилди. Сооронбай Жээнбеков Президент катары шайлооону таза, адилет өткөрүү үчүн талап кылынчу мыйзамдын алкагындагы өз милдеттеринин баарын аткарганын жана аткарып жатканын дагы бир ирет белгиледи. Бирок, аталган процесс бир гана Президенттен, Өкмөт жана БШКдан көз каранды эместигин кошумчалады. «Добуш сатпоо маселеси биринчи кезекте партиялар, партиянын ичиндеги талапкер, андан кийин шайлоочулардан түздөн-түз көз каранды. Мен Коопсуздук кеңешин атайын ушул шайлоо маселеси боюнча өткөрүп, укук коргоо органдарына тапшырмаларды бердик. Эң негизгиси — кандай гана мыйзам бузуу болбосун, анын ичинде добуш сатуу фактылары боюнча бардык партия, талапкерлерге бирдей катуу мамиле камсыздоо деген талап коюлган. Бул боюнча иш аткарылып жатат. Фактылар болсо — жазаланат. Бирок, тилекке каршы, биздин шайлоочуларыбыз имиш-имиш сөздү талкуулап, укук коргоо органдарына „мага добушуңду сат“ деди деп кайрылган учурлар болбой жатат. Эл арасында „ушул партия ушинтип жатыптыр, бул партия сатып атыптыр“ деп айтып жатышат, ал сөздөрдү мен угуп жатам. Органдар иштеп жатышат, бирок мына ушул боюнча кайрылган факт жок болуп жатат. Бир же эки эле учур болбосо, негизинен имиш-имиштер болуп жатат», — деди өлкө башчы. Мамлекет башчысы белгилегендей, тийиштүү органдар бул багытта эгерде тынчсызданган маалыматтар келип түшсө, иш алып барышууда. «Демек, сиз айткандай, коомубуз өзү да ушуга барып жатат деген туурадыр. Добуш сатуу менен коом да күрөшүү керек. Азыр угуп, көрүп жатам. Сиздер, массалык маалымат каражаттары элди чакырып, түшүндүрүү иштери болуп жатат. Жакшы түшүндүрүү иштери болуп жатат. Ушул ишти күчөтүүбүз керек. Элге ушуну сиңириш керек. Бул өзүбүздүн, элибиздин, балдарыбыздын, мамлекетибиздин келечеги. Ушундай көрүнүштөргө жол бербешибиз керек деп өзүбүз да күрөшүүбүз керек. Мына, айтып жатышат, паспортун алып кетип жатышат деп. Паспортун алып кетип, азыр мынчадан беребиз, калганын кийин беребиз деп жатышат деген сөз болуп жатат. Органдар иштеп жатышат. Бирок, кайрылып, мына, менин паспортумду алды, муну мындай кылды деп кайрылган адам өзү жок болууда. Ар бир шайлоочунун өз иши, кандай кылат. Бирок паспортун эч кимге бербеш керек. Ал өзүнүн жеке документи. Добуш берүү купуя сакталат. Эч ким мажбурлай албайт, „буга сал, буга салба“, деп. Кимге добуш берсең, аны билип алат деген да сөз бар. Аны билбейт, андай технология жок азыр. Шайлоочу өзү жалгыз калат, кабинкада, бюллетенди каалаганына салат. Кимге добуш бересиң, өз эркиң. Добуш берүү 4-октябрда гана болот», — деп баса белгиледи Сооронбай Жээнбеков.

Подробнее
21 сентября 2020 г. 0:07

“Мекенчил” Ош шаарында. Б. Аманбаев: "Кыргызстанды 30 жыл бою тоногон бир ууч коррупционерлердин схемасын кан буугандай токтотобуз!"

Бишкек, "Саясат. kg". "Мекенчил" партиясы Ош шаарына барды. “Мекенчил” саясий партиясынын элдин жашоосун жакшы нукка буруучу экономикалык программасы ишке ашырылууга даяр. Бул тууралуу саясий партиянын талапкери Бакыт Аманбаев Ош шаарынын шайлоочулары менен жолугушууда билдирди. \“Биздин негизги максат – кыргыз элинин жашоосун оңдоо. Канткенде биз элдин жашоо-шартын жакшырта алабыз деген суроого жооп берейин. Парламентке барып калсак, биринчи кадамыбыз соңку 30 жыл бою Кыргызстанды тоногон бир ууч коррупционерлердин коррупциялык схемасын кан буугандай токтотобуз. Ал үчүн мыйзам долбоору даяр. Биринчиси, энергетика тармагында 30 жылдан бери 17 ишкананын ээси 1кВт электр энергиясын 1 тыйындан сатып алат да, аны элге 77 тыйындан сатат. 700 кВттан ашып кеткенде 2 сом 16 тыйынга бааланат. Коңшу өлкөлөргө 3 сом 50 тыйындан сатат. Кышында, элге берүүгө электр энергиясы жетпей калганда, кайра эле коңшу өлкөлөрдөн 5 сом 50 тыйынга сатып алат. Кайсы акчага? Элдин, силердин акчаңарга. Бул аткаруу бийлигинин кыргыз элине жасаган кыянатчылыгы. Биз ушуну токтотушубуз керек!” – деди Бакыт Аманбаев.

Подробнее
21 сентября 2020 г. 0:08

(Фото) “Мекенчил” Араванда. Б.Аманбаев: “Биздин колубузда бийлик, ашыкча акчабыз жок. Бирок патриоттук духубуз күчтүү!”

Бишкек, "Саясат.kg". “Мекенчил” саясий партиясынын талапкери Бакыт Аманбаев Араван районунун шайлоочулары менен болгон жолугушууда парламенттик шайлоого бараткан 16 партияны үч топко бөлдү. “Учурда ат салышып жаткан 16 партияны үч топко бөлсө болот: 1. Чоң топ – коррупционерлерден куралган бийликтин партиялары. Соңку 30 жылда бийликтин башында болуп, улам президент алмашкан сайын өздөрүнүн позициясын 180 градуска буруп, акча берип, жаңы президенттин партиясына киргендер. Кошоматтык кылып, бийликке, болгондо да эң кирешелүү тармактардын башына конгондор. Өздөрүнүн коррупциялык механизмин орнотуп, кыргыз элинин канын кактап соргондор. 2. Соңку он жылда бийликте болуп, элди алдагандар. 2010-жылдагы революциядан кийинки элдин үмүтүн уурдагандар. Кыргыз эли алардын куру убадаларына ишенип, келечегин тапшырган, тарыхта сейрек кездешүүчү мүмкүнчүлүктү берген. Бирок элдин үмүтүн, ишенимин өз кызыкчылыгына алмаштырышты. Эл берген мүмкүнчүлүктү байлык топтоого пайдаланышты. 3. Жүрөгүндө эли-жерине болгон бийик сезими барлар. Булардын колунда бийлик, чөнтөгүндө ашыкча акча жок. Бирок патриоттук духу күчтүү. Элдин, мекендин тагдырына кайдыгер карабагандар. Бул топко биздин “Мекенчил” партиясы да кирет! Партиялардын бардыгы тең сиздердин добушка муктаж. Бирок ошол добушту, мүмкүнчүлүктү ар кимиси ар башкача пайдаланышат. Сиздер жаңылбоого милдеттүүсүздөр. Ар бирибиздин, балдарыбыздын келечеги бүгүнкү тандообуздан көз каранды болоорун унутпаңыздар”, - деди Бакыт Аманбаев.

Подробнее
21 сентября 2020 г. 0:08

(Фото) “Мекенчил” Араванда. К.Зулушев: “Мекенчил” - катары таза, мамлекетке бир да зыянын тийгизбеген, бирок пайдасы чоң инсандардан куралды!”

Бишкек, "Саясат. kg". "Мекенчил" партиясы Араван районуна барды. Мамлекеттин тагдырын мекенчил инсандар түздөйт. Бул тууралуу “Мекенчил” саясий партиясынын талапкери Курманкул Зулушев Араван районунун шайлоочулары менен жолугушууда билдирди. “Мекенчил” партиясын мамлекет, улут дегенде күйүп-жанган Камчыбек Ташиев менен Садыр Жапаров негиздеген. Садыр Жапаров “Кумтөр” элге өтсүн, алтындын пайдасы мамлекетке калсын”- деген мекенчил аракетинен улам азап-тозок көрүп абакта жатат. Мекенчил уулдарды мекенчил күчтөр колдобосо болбойт. Сиздерде партиянын программасында эмне айтылган, тизмедеги талапкерлер эмнени өзгөртө алаар экен, же көнүмүш болуп калгандай куру убадалар менен парламентке жетип алууну көздөшөбү деген ой пайда болушу мүмкүн. Биздин программа – куру убада эмес, реалдуу мүмкүнчүлүктөр! Башка партиялардыкынан айырмасы – мамлекеттик системаны алмаштырууга умтулуу! Азыр жаштар, жаңы күчтөр деп алдаган партиялар бар, алдына беш-алты “куурчакты” коюп, кнопкасын эски күчтөр өздөрү кармап отурушат. Өздөрүн оппозициябыз деп атагандар – катарына мамлекетти тоногон мурунку аткаминерлерди кошту. А “Мекенчил” - катары таза, мамлекетке бир да зыянын тийгизбеген, бирок пайдасы чоң инсандардан куралды. Биз – мамлекетти кыйынчылыктан сууруп чыгарууну гана башкы максат кылдык!” – деди Курманкул Зулушев. "Мекен чил" саясий партиясынын каржы боюнча ыйгарым укуктуу өкүлү Тологонова Аида Бейшеналиевнанын тескөөсү менен жайгаштырылып, төлөндү

Подробнее

Язык

Партии

Дата

Источники